ఇండోనేషియాకు చెందిన ఓ యువకుడు ఇప్పుడు సోషల్ మీడియాలో హీరో అయిపోయాడు. సోషల్ మీడియాలో ఎక్కడ చూసినా ఈ వీడియోనే హల్చల్ చేస్తోంది. అసలు విషయానికొస్తే..ఇండోనేషియాలో బోగోర్ నుంచి జ‌కార్తా వెళ్తున్న ఓ లోక‌ల్ ట్రైన్‌లో ప్రయాణికులను పరుగులు పెట్టించిందో పాము.
అయితే అందరూ చూస్తుండగానే ఇండోనేసియా యువకుడు దాన్ని ఒంటిచేత్తో పట్టిచంపేశాడు. రైలు బ్యాగేజి ర్యాక్‌లో నక్కిన భారీ పామును అలవోకగా నిలువరించిన ఇతగాడు ఇప్పుడు ఇంటర్నెట్‌లో హీరో అయిపోయాడు.
ప్రయాణికులు భయంతో అరవడంతో భద్రతా సిబ్బంది వెంటనే రైలును నిలిపివేసి పాముకోసం వెదకడం ప్రారంభించారు. బ్యాగులు పెట్టుకునే చోట నక్కిన పామును, వెన‌కాల బ్యాగు త‌గిలించుకున్న యువ‌కుడొక‌రు దాని తోక‌ప‌ట్టుకుని లాగి, ఒక్క‌సారిగా కింద కొట్టి చంప‌డం ఈ వీడియోలో చూడొచ్చు. అయితే ఆ పాము విష‌పూరిత‌మైన‌దా? కాదా? అని తెలుసుకునేలోపే ఆ యువకుడు పామును అలా చంప‌డంతో అందరూ ఆశ్చ‌ర్యానికి గుర‌య్యారు.
