న్యూజెర్సీ కేంద్రంగా ఉన్న స్లేబ్యాక్ ఫార్మా కంపెనీ హైదరాబాద్ ఫార్మా రంగంలో భారీ విస్తరణ ప్రణాళికలు ప్రకటించంది. రాబోయే మూడు సంవత్సరాల్లో సుమారు 1500 కోట్ల రూపాయలను పెట్టుబడి పెట్టనుంది. సిజిఎంపి (cGMP)ల్యాబ్ తో పాటు అత్యాధునిక తయారీ కేంద్రాన్ని హైదరాబాద్ లో ప్రారంభించబోతుంది. గడిచిన ఐదు సంవత్సరాల్లో హైదరాబాద్ ఫార్మాలో స్లేబ్యాక్ కంపెనీ సుమారు 2300 కోట్ల రూపాయల పెట్టుబడులు పెట్టింది.
అమెరికా పర్యటనలో మంత్రి కె.తారకరామారావుతో సమావేశం తరువాత స్లేబ్యాక్ ఫార్మా వ్యవస్థాపకులు, సీఈఓ అజయ్ సింగ్ ఈ భారీ పెట్టుబడి ప్రకటన చేశారు. 2011లో కంపెనీ ప్రారంభించినప్పటి నుంచి సాధించిన పురోగతి, విజయాలను ఈ సందర్భంగా మంత్రి కేటీఆర్ కు సీఈఓ అజయ్ సింగ్ వివరించారు. అమెరికన్ ఫుడ్ అండ్ డ్రగ్ అడ్మినిస్ట్రేషన్ నుంచి జెనెరిక్ ఔషధాల తయారీ, అనుమతులు పొందడానికి అవసరమైన క్లిష్టమైన ప్రక్రియను విజయవంతంగా పూర్తి చేసిన ఘనత తమ కంపెనీకి ఉందన్నారు. హైడ్రాక్సీప్రోజెస్టెరాన్ 5 ఎం.ఎల్ జెనరిక్ ఔషధానికి సంబంధించిన అనుమతులను పొందడంతో పాటు అమెరికన్ మార్కెట్ లో తొలిసారి ప్రవేశపెట్టింది తమ కంపెనీనే అన్నారు.
మంత్రి కేటీఆర్ మాట్లాడుతూ హైదరాబాద్ ఫార్మారంగంలో స్లేబ్యాక్ ఫార్మా అసాధారణ ఎదుగుదల,విస్తరణ ప్రణాళికలు అద్భుతంగా ఉన్నాయన్నారు. తెలంగాణలోని పారిశ్రామిక అనుకూల విధానాలు, లైఫ్ సైన్సెస్ రంగానికి హైదరాబాద్ లో ఉన్న అనుకూలతలను ఉపయోగించుకుని స్లేబ్యాక్ కంపెనీ మరిన్ని విజయాలను సాధిస్తుందన్న నమ్మకం తనుకు ఉందన్నారు. ఇప్పటికే హైదరాబాద్ లోని అనేక లైఫ్ సైన్సెస్ కంపెనీలు తమ విజయాలతో ప్రపంచం దృష్టిని ఆకర్షించడం తనకు సంతోషాన్ని కలిగిస్తోందని కేటీఆర్ చెప్పారు.
సంక్లిష్టమైన జనరిక్, స్పెషాలిటీ ఔషధాల తయారీ, అభివృద్ధిలో స్లేబ్యాక్ ఫార్మాకు మంచి పేరుంది. 35 మంది సిబ్బందితో 2017లో హైదరాబాద్ లో కంపెనీ కార్యకలాపాలు ప్రారంభించింది. 2018 లో జీనోమ్ వ్యాలిలో పరిశోధన ల్యాబ్ (R&D lab) ప్రారంభంతో కంపెనీ పేరు ప్రాచుర్యంలోకి వచ్చింది. ప్రస్తుతం హైదరాబాద్ లో 3యూనిట్లు, 106 మంది ఉద్యోగులు పనిచేస్తున్నారు. ఇంజెక్టబుల్ ఫార్ములేషన్ డెవలప్ మెంట్ ల్యాబ్, OSD ఫార్ములేషన్ డెవలప్ మెంట్ ల్యాబ్ మరియు ఎనలిటికల్ డెవలప్ మెంట్ ల్యాబ్ లు స్లేబ్యాక్ కంపెనీకి ఉన్నాయి. ఈ స మావేశంలో పరిశ్ర మలు, వాణిజ్య శాఖ ప్రిన్సిప ల్ సెక్రటరీ జయేశ్ రంజన్, తెలంగాణ ప్ర భుత్వ లైఫ్ సైన్సెస్ డైరెక్టర్ శ క్తి ఎం నాగప్ప న్ ఉన్నారు..
-For more information on Slayback Pharma-please visit https://slayback-pharma.com/
