సుడిగాడు తో బ్లాక్ బస్టర్ హిట్ అందుకున్న భీమినేని శ్రీనివాస్ గారు మళ్ళీ ఈ సారి ఇద్దరు హీరోలతో కలిసి సిల్లీ ఫెలోస్ అంటూ రాబోతున్నాడు. సునీల్ ,అల్లరి నరేష్ హీరోలుగా వస్తున్న ఈ మల్టీ స్టారర్ చిత్రం ట్రైలర్ ప్రస్తుతం సోషల్ మీడియాలో చక్కెర్లు కొడుతుంది.
మహేష్ బాబు చేతుల మీదుగా విడుదలైన ఈ ట్రైలర్ ప్రేక్షకులను కడుపుబ్బా నవ్వించేలా క్రియేట్ చేయబడిందనే చెప్పాలి. అల్లరి నరేష్ , సునీల్ ఇద్దరూ మంచి కామెడీ టైమింగ్ తో అలరించగా, పోసాని కృష్ణ మురళి, బ్రహ్మానందం , జయప్రకాశ్ రెడ్డి తమ తమ శైలిలో హాస్యాన్ని పండించారు. సునీల్ ఒకప్పటి తన కామెడీ స్టైల్ ని మళ్ళీ ఈ సినిమాలో బయటపెట్టి “హి ఈజ్ బ్యాక్” అనిపించుకోవడానికి సిద్ధంగా ఉన్నట్టు తెలుస్తుంది. మధ్యలో అర్జున్ రెడ్డి ,RX 100 సినిమాలను గుర్తుచేయడం మంచి ఫన్ ని క్రియేట్ చేసిందనే చెప్పాలి.
మొత్తానికి ఎంతో హాస్యపూరితంగా తెరకెక్కిన ఈ ట్రైలర్ సినిమా పై భారీ అంచనాలను క్రియేట్ చేసిందనే చెప్పాలి. ఈ ట్రైలర్ ను విడుదల చేసిన మహేష్ బాబు చిత్ర బృందానికి అల్ ది బెస్ట్ చెప్పాడు. బ్లూ ప్లానెట్ ఎంటర్టైన్మెంట్స్ ,పీపుల్స్ మీడియా ఫ్యాక్టరీ సంయుక్తంగా నిర్మిస్తున్న ఈ చిత్రం, మంచి విజయం కోసం ఎదురుచూస్తున్న నరేష్, సునీల్, భీమినేని ముగ్గురికీ మరిచిపోలేని హిట్ ని ఇవ్వాలని ఆశిద్దాం.
