సక్సెస్, ఫెయిల్యూర్ తేడా లేకుండా వరుసగా సినిమాలు చేసుకుంటూ వెళ్తున్నాడు యువ హీరో సందీప్ కిషన్. ప్రస్తుతం ఆయన నిను వీడని నీడను నేను సినిమాను చేస్తున్నాడు. ఈచిత్రంలో సందీప్ కిషన్ సరసన అన్యా సింగ్ హీరోయిన్ గా నటిస్తుంది. ఏకే ఎంట్టైన్మెంట్స్ పతాకంపై ప్రముఖ నిర్మాత అనిల్ సుంకర నిర్మించగా కార్తీక్ రాజు దర్శకత్వం వహిస్తున్నారు. తాజాగా ఈసినిమాలో హీరో సిద్దార్ద్ ఒక పాటను పాడాడు. ‘ఎక్స్ క్యూజ్ మీ రాక్షసి .. ‘ అనే రొమాంటిక్ సాంగ్ ను సిద్దార్డ్ పాడాడు. ఈచిత్రానికి తమన్ సంగీతం అందించారు.
నాకు సందీప్ కిషన్ అంటే ఎంతో అభిమానం .. నా తమ్ముడి లాంటివాడు. తను తొలిసారిగా నిర్మిస్తోన్న ఈ సినిమాలో నన్ను పాట పాడమని అడిగాడు .. అందుకే పాడానని తెలిపారు హీరో సిద్దార్ధ్. అయితే హీరో సిద్దార్ధ్ పాటలు పాడటం ఇదేమి కొత్త కాదు. గతంలో ఆయన హీరోగా నటించిన బొమ్మరిల్లు సినిమాలో అప్పుడో ఇప్పుడో ఎప్పుడో అనే పాటను పాడగా, ఆ తర్వాత ఓయ్ సినిమాలో ‘176 బీచ్ హౌస్ లో ప్రేమదేవత’, ‘ఆట’ సినిమాలో ‘నిన్ను చూస్తుంటే’ పాటలను పాడారు సిద్దార్ద్. పోసాని కృష్ణమురళి, మురళీ శర్మ, వెన్నెల కిషోర్ పలువురు నటీనటులు ముఖ్య పాత్రలో పోషిస్తున్న ఈమూవీని త్వరలోనే విడుదల చేయనున్నారు.
