హీరోయిన్ శృతి హాస‌న్ చాలా రోజుల గ్యాప్ తర్వాత వ‌రుస సినిమాలు చేస్తున్న సంగతి తెలిసిందే. తెలుగు, అటు త‌మిళ సినిమాల‌తో పాటు హిందీలోను బిజీ అయింది శృతి. ప్రస్తుతం శృతి తెలుగులో ర‌వితేజ‌తో క‌లిసి ఓ చిత్రం చేయ‌నుంది. ఇక తాజా సమాచారం ప్రకారం ఈ అమ్మడు మరో క్రేజీ ప్రాజెక్ట్‌లో ఛాన్స్‌ కొట్టేసినట్టు తెలుస్తోంది. శృతి సూపర్‌స్టార్‌ మహేష్ కొత్త చిత్రంలో హీరోయిన్ గా న‌టించ‌నుంద‌ని టాలీవుడ్ వర్గాలు అంటున్నారు.
ప్రస్తుతం మహేష్ స‌రిలేరు నీకెవ్వ‌రు చిత్రంతో బిజీగా ఉన్నాడు. ఈ చిత్రం తర్వాత మహేష్ వంశీ పైడిప‌ల్లితో క‌లిసి మరో ప్రాజెక్ట్ చేయ‌నున్నాడు. ప్రస్తుతం ఈ చిత్రానికి సంబంధించిన స్క్రిప్ట్ వ‌ర్క్ జ‌రుపుకుంటున్న ఈ ప్రాజెక్ట్ మరి కొద్ది రోజుల‌లో సెట్స్ పైకి వెళ్ళ‌నుంది. ఇందులో మహేష్‌ను ఒక గ్యాంగ్ స్టార్‌గా కనిపించనున్నాడు. వీరిద్దరి కాంబినేషన్లో ఇదివరకే మహర్షీ మూవీ వచ్చిన సంగతి తెలిసిందే.
ఇక ఈ చిత్రంలో హీరోయిన్ గా అందాల శ్రుతిహాసన్ తీసుకోవాలనుకుంటున్నాడట దర్శకుడు వంశీ పైడిప‌ల్లి. దీని కోసం ప్రయత్నాలు కూడా చేస్తున్నట్లు తెలుస్తోంది. శృతి ఇంతకుముందు శ్రీమంతుడు చిత్రంలో మహేష్ సరసన నటించింది. ఇప్పుడు రెండోసారి మహేష్‌తో జత కట్టనుంది. అయితే ఈ విషయం అధికారికంగా వెలువడల్సివుంది. మరి వీరి కాంబినేషన్ మరోసారి రిపీట్ అవుతుందో చూడాలి.
