పెట్రో ధ‌ర‌ల పెంపుపై శ‌శిథ‌రూర్ వినూత్న రీతిలో నిర‌స‌న..

దేశంలో పెట్రో ధ‌ర‌ల పెంపుపై కాంగ్రెస్‌ ఎంపీ శ‌శిథ‌రూర్ వినూత్న రీతిలో నిర‌స‌న తెలిపారు. ఆయన కేరళ రాజధాని తిరువనంతపురంలో నిరసన ప్రదర్శనలు చేపట్టారు.ఆటోలకు తాళ్లు కట్టి రోడ్డుపైకి లాక్కొచ్చారు. దీనికి సంబంధించిన వీడియోను థరూర్ పంచుకున్నారు. కాంగ్రెస్ నిర్వహించిన ఈ నిరసన ప్రదర్శనలో వందలాది ఆటోలు పాల్గొన్నాయని థరూర్ వివరించారు. చమురు ధరలు తగ్గించడంలో అటు కేంద్రం, ఇటు రాష్ట్రం రెండూ విఫలమయ్యాయని విమర్శించారు. ఆ విషయాన్ని ఎత్తిచూపేందుకు ఆటోలను తాళ్లతో లాగామని వివరించారు. చమురు ధరల పెంపుతో ప్రజలను దోచుకుంటున్నారని వ్యాఖ్యానించారు.