కామెడీయన్‌ నుంచి హీరోలుగా మారిన అలీ,సునీల్,శ్రీనివాస్‌ రెడ్డి,సప్తగిరి బాటలో తన అదృష్టాన్ని పరిక్షించుకునేందుకు షకలక శంకర్ సిద్ధమయ్యాడు. శ్రీధర్ రెడ్డి దర్శకత్వంలో శంకర్ హీరోగా తెరకెక్కుతున్న చిత్రం శంభో శంకర. శరవేగంగా షూటింగ్ పూర్తి చేసుకున్న ఈ చిత్రం జూన్ 29న ప్రేక్షకుల ముందుకురానుంది.
ఇక చిత్ర ప్రమోషన్‌లో భాగంగా ఇటీవల విడుదల చేసిన పాటలకు మంచి రెస్పాన్స్ వచ్చింది. టీజర్ యూ ట్యూబ్‌లో దుమ్మరేపింది. విడుదలైన కొద్ది గంటల్లోనే 30 లక్షల వ్యూస్‌తో సినిమాపై అంచనాలను పెంచేసింది. కాల‌కూట విషాన్ని కంఠంలో పెట్టుకుని మృత్యువును జ‌యించిన ఆ ప‌ర‌మ‌శివుడి పేరు పెట్టుకున్న శంక‌రుడినిరా .. చావు లేదు శంకర్ చెప్పిన డైలాగ్‌ అందరిని ఆకట్టుకుంది.
రొమాన్స్, హాస్యం,ఎమోష‌న్,ఫైట్స్ అన్నింటిని క‌ల‌గ‌లిపి శంకర్ చూపించిన నటన వీక్ష‌కుల్ని క‌ట్టిప‌డేసింది. ఒక స్టార్ హీరో టీజ‌ర్‌కి ధీటుగా కామెడీయన్‌ శంకర్ నటించిన శంభో శంకర టీజర్ లక్షల వ్యూస్ ద‌క్కించుకోవ‌డం సెన్సేష‌న్‌గా మారింది. రిలీజ్‌కు ముందే అందరి అటెన్షన్‌ను తన వైపు తిప్పుకున్న శంకర్ హీరోగా సక్సెస్‌ సాధిస్తాడో లేదో వేచిచూడాలి.
