జనగామ జిల్లా దేవరుప్పుల మండలం పడమటి తండా (డి) సర్పంచ్ జాటోతు కౌస్య సురేందర్, జాటోత్ సోమన్న, వార్డు సభ్యులు జాటోత్ బికోజీ మరికొంత మంది నాయకులు ఈరోజు టిఆర్ఎస్‌లో చేరారు. హన్మకొండలోని మంత్రి కార్యాలయంలో రాష్ట్ర పంచాయతీరాజ్, గ్రామీణాభివృద్ధి, గ్రామీణ మంచినీటి సరఫరా శాఖల మాత్యులు ఎర్రబెల్లి దయాకర్ రావు సమక్షంలో వారు కాంగ్రెస్ పార్టీని వీడి గులాబీ కండువాలు కప్పుకున్నారు. వారిని మంత్రి ఆహ్వానిస్తూ, పార్టీలో సముచిత గౌరవం ఇస్తామన్నారు. పార్టీ విధానాలు, సీఎం కెసిఆర్ కెసిఆర్, మంత్రి ఎర్రబెల్లి విధానాలు, పని తీరు నచ్చి, టిఆర్ఎస్‌లో చేరామన్నారు.
ఈ కార్యక్రమంలో దేవరుప్పుల మండల పార్టీ అధ్యక్షుడు తీగల దయాకర్, మాజీ మండల అధ్యక్షుడు బస్వ మల్లేష్, పల్లా సుందర్ రాంరెడ్డి, కొడకండ్ల AMC వైస్ చైర్మన్ క్రిష్ణమూర్తి, మండల పార్టీ ప్రధాన కార్యదర్శి చింత రవి తదితరులు పాల్గొన్నారు.
