సీనియర్ నటుడు బాలయ్య ఇకలేరు…

సీనియర్ నటుడు బాలయ్య ఇకలేరు. కొంతకాలంగా అనారోగ్యంతో బాధపడుతున్న ఆయన ఇవాళ ఉదయం హైదరాబాద్‌లో కన్నుమూశారు. ఆయన వయస్సు 92.నాగార్జున నటించిన మన్మధుడు, వెంకటేష్ నటించిన మల్లీశ్వరితో సహా 300కు పైగా చిత్రాల్లో వివిధ కీలక పాత్రల్లో నటించారు.

క్యారెక్టర్ రోల్స్‌తో తనకంటూ ఓ ప్రత్యేక స్థానాన్ని ఏర్పరచుకున్నాడు. ఆయనకు 2012 సంవత్సరానికి రఘుపతి వెంకయ్య అవార్డు లభించింది. కృష్ణ, అక్కినేని నాగేశ్వర్‌రావు వంటి సీనియర్‌ హీరోలతో సన్నిహితంగా ఉండేవారు బాలయ్య.

1970లో తన సొంత ప్రొడక్షన్ బ్యానర్‌లో చిత్రాలను నిర్మించారు. శోభన్ బాబుతో చెల్లెలి కాపురం, సూపర్ స్టార్ కృష్ణతో నేరము-శిక్ష సినిమాలను నిర్మించారు. ఆయన మృతితో సినీ పరిశ్రమ దిగ్బ్రాంతిలో మునిగిపోయింది.