శ్రీ సత్యసాయి భక్తులకు కనువిందు చేసే అద్భుత ఘట్టం ఆవిష్కృతమైంది. ఏకంగా 9.2 కిలోల స్వచ్ఛమైన బంగారంతో రూపొందించిన శ్రీ సత్యసాయి బాబా విగ్రహాన్ని భక్తిశ్రద్ధలతో ప్రతిష్టించి ఊరేగించారు.
ఈ విగ్రహాన్ని 31.8 అడుగుల ఎత్తు ఉన్న భారీ వెండి రథంలో ప్రతిష్టించారు. రథాన్ని తయారు చేయడానికి మొత్తం 180 కిలోల వెండిని ఉపయోగించారు. రథానికి మెరుగులు దిద్దడానికి, అలంకరించడానికి ఒక కిలో బంగారాన్ని పూతగా వాడారు.
వేద మంత్రోచ్ఛారణల మధ్య, భక్తుల సాయి నామస్మరణలతో ఆ ప్రాంతమంతా ఆధ్యాత్మిక వాతావరణం నెలకొంది. ఈ అపురూపమైన రథోత్సవాన్ని తిలకించడానికి వేలాది మంది భక్తులు తరలివచ్చారు. సత్యసాయి ట్రస్ట్ ఆధ్వర్యంలో నిర్వహించిన ఈ కార్యక్రమం, బాబా వారిపై భక్తులకు ఉన్న అపారమైన భక్తిని, విశ్వాసాన్ని చాటి చెప్పింది. ఈ భారీ బంగారు విగ్రహం, వెండి రథం భక్తులకు ఆధ్యాత్మిక అనుభూతిని పంచాయి.
Also Read:ఏసీబీ వలలో టెక్మాల్ పీఎస్ ఎస్ఐ