సర్కార్ వారి పాట…సెన్సార్ పూర్తి

మహేశ్ బాబు సర్కార్ వారి పాట సెన్సార్ పూర్తయింది. అన్ని కార్యక్రమాలను పూర్తి చేసుకొని యూ/ఏ సర్టిఫికెట్‌ను పొందింది. రన్ టైమ్ కూడా 2 గంటల 42నిమిషాల నిడివితో సర్కారు వారి పాట సినిమా ప్రేక్షకుల ముందుకు రాబోతోంది.

మహేశ్ బాబు సరసన కీర్తి సురేశ్‌ హీరోయిన్‌గా నటించగా ఈ చిత్రానికి గీత గోవిందం ఫేమ్ పరశురామ్ పెట్లా దర్శకత్వం వహించారు. బ్యాంకింగ్ రంగంలో జరుగుతున్న ఆర్థిక కుంభకోణం నేపథ్యంగా రూపొందుతోంది. ఈ చిత్రాన్ని మైత్రీ మూవీ మేకర్స్, జీఏంబీ ఎంటర్టైన్మెంట్, 14 రీల్స్ ప్లస్ బ్యానర్లపై నవీన్ యెర్నేని, వై. రవిశంకర్, రామ్ ఆచంట, గోపీచంద్ ఆచంట సంయుక్తంగా నిర్మిన్నారు.

ఎస్ ఎస్ థమన్ సంగీతం అందించారు. మే 12న ఈ చిత్రం భారీ స్థాయిలో విడుదల కాబోతోంది. ఈ నేపథ్యంలో మేకర్స్ నాన్ స్టాప్‌గా చిత్ర ప్రమోషన్స్‌ను నిర్వహిస్తున్నారు.