టాలీవుడ్‌లో చాలా మంది టైర్-టూ హీరోలు ఉన్నారు, కానీ వారెవరూ తమ సినిమా విడుదలైన మొదటి రోజు 10 కోట్ల కలెక్షన్‌లను రాబట్టలేకపోయారు. నేచురల్ స్టార్ నాని తన కొత్త సినిమా దసరాతో ఈ ఫీట్ సాధించి సరికొత్త రికార్డ్ నెలకొల్పనున్నాడని అందరూ భావిస్తున్నారు.
విజయ్ దేవరకొండ ,పంజా వైష్ణవ్ తేజ్ వంటి వారు 10 కోట్ల మార్కుకు దగ్గర వరకూ వెళ్లారు కానీ దాటలేకపోయారు. లైగర్ , ఉప్పెన 9 కోట్ల కలెక్షన్లతో సరిపెట్టుకోవలసి వచ్చింది. ఆ విధంగా, 10 కోట్ల మార్క్ ఇప్పటికీ టైర్-టూ హీరోలకు సాధించని ల్యాండ్‌మార్క్‌గా మిగిలిపోయింది.
దసరాకు ఈ మార్కును దాటేంత స్టామినా ఉంది. గత కొన్ని వారాలుగా నాని పాన్ ఇండియా లెవెల్ లో నిర్విరామంగా సినిమాను ప్రమోట్ చేస్తున్నాడు. చాలా కాన్ఫిడెంట్‌గా ఉన్నారని, ఇది మరో కేజీఎఫ్‌, పుష్పలా ఉంటుందని అంటున్నాడు., పాన్-ఇండియా మూవీ కాబట్టి ఎక్కువ కలెక్షన్లు రాబట్టే అవకాశం ఉంది.
దసరా శ్రీరామ నవమి కానుకగా మార్చి 30న విడుదలవుతోంది. సెలవు రోజు పైగా ఆ రోజు పెద్దగా రిలీజ్‌లు ఏమీ లేకపోవడంతో దసరాకు 10 కోట్ల మార్క్‌ను దాటే అవకాశాలు ఉన్నాయి. మరి టైర్ టూ హీరోల చిరకాల కలను నాని సాధిస్తాడో లేదో చూడాలి.
ఇవి కూడా చదవండి…
