ఉద్యోగంలో చేరిన కల్నల్ సంతోష్ బాబు భార్య…

స్వాతంత్ర్య దినోత్సవం రోజే ప్రభుత్వానికి రిపోర్టు చేశారు కల్నల్ సంతోష్‌ భార్య సంతోషి. హైదరాబాద్ బీఆర్కే భవన్‌లో ప్రభుత్వ ప్రధాన కార్యదర్శి సోమేశ్ కుమార్‌ని కలిసి జాయినింట్ రిపోర్టు అందించారు. అనంతరం సీఎంవో కార్యదర్శి స్మితా సబర్వాల్‌ని కలుసుకున్నారు సంతోషి. ఈ సందర్భంగా సంతోషి స్పూర్తికి అభినందనలు తెలిపారు స్మితా సబర్వాల్.

దేశ సరిహద్దుల్లో చైనా సైనికులతో జరిగిన ఘర్షణలో కల్నల్ సంతోష్ బాబు వీర మరణం పొందిన సంగతి తెలిసిందే. ఆ వీరుడి కుటుంబానికి అండగా నిలిచిన ప్రభుత్వం రూ.5 కోట్ల నగదుతో పాటు హైదరాబాద్‌లో స్ధలం,ప్రభుత్వ ఉద్యోగం ఇస్తామని ప్రకటించింది. చెప్పినట్లుగానే సీఎం కేసీఆర్ స్వయంగా సంతోష్ బాబు ఇంటికి వెళ్లి ఆ పత్రాలను వారి కుటుంబసభ్యులకు అందజేశారు.