సూపర్ స్టార్ మహేష్ బాబుకు తెలుగు సినీ ఇండస్ట్రీలో ఉన్న క్రేజ్ గురించి ప్రత్యేకంగా చేయప్పవలసిన అవసరం లేదు. ఆయన నుంచి కొత్త సినిమా వస్తుందంటే బాక్సాఫీస్ వద్ద సరికొత్త రికార్డులు నమోదు కావాల్సిందే. బాక్సాఫీస్ వద్ద కలెక్షన్ల సునామీ జరగాల్సిందే. మరి అంతటి క్రేజ్ ఉన్న మహేష్ బాబు సినిమాకు పోటీగా వేరే సినిమాలను బరిలోకి దించే సాహసం ఏ సినీ మేకర్స్ చేయలేరు. కానీ ఈసారి సంక్రాంతికి మాత్రం మహేష్ బాబు సినిమాకు పోటీగా ఏకంగా 7 సినిమాలు బరిలో నిలబబోతున్నాయి. అవి కూడా స్టార్ హీరో సినిమాలు కాదండోయ్ ! అన్నీ కూడా మీడియం బడ్జెట్ సినిమాలు, చిన్న సినిమాలే.
మహేష్ బాబు నటిస్తున్న తాజా చిత్రం గుంటూరు కారం. ఈ మూవీని వచ్చే ఏడాది సంక్రాంతి కానుకగా జనవరి 12న విడుదల చేయబోతున్నట్లు మేకర్స్ ఎప్పుడో ప్రకటించారు. అయినప్పటికి సంక్రాంతి రేస్ లో మహేష్ బాబు ఉన్న లెక్క చేయకుండా విక్టరీ వెంకటేష్, విజయ్ దేవరకొండ, నాగార్జున.. వంటి హీరోలతో పాటు మరో రెండు డబ్బింగ్ సినిమాలు కూడా విడుదల కానున్నాయి. విక్టరీ వెంకటేష్ తన కొత్త సినిమా సైంధవ్ ను సంక్రాంతికే విడుదల చేయబోతున్నట్లు ఇటీవల ప్రకటించారు. ఇక నాగార్జున చాలా రోజుల తర్వాత చేస్తున్న ఫుల్ మాస్ మూవీ నా సామి రంగా మూవీ కూడా సంక్రాంతి కానుకగా విడుదల కాబోతుంది.
ఇక విజయ్ దేవరకొండ, పరశురాం కాంబినేషన్ లో వస్తున్న ” ఫ్యామిల్ స్టార్ ” మూవీ కూడా సంక్రాంతి బరిలోనే ఉంది. అలాగే మాస్ మహారాజ్ రవితేజ కూడా తన కొత్త సినిమా ” ఈగల్ ” ను సంక్రాంతికి రిలీజ్ చేస్తున్నట్లు మేకర్స్ ప్రకటించారు. ఇక టీజర్ తోనే సెన్సేషన్ క్రియేట్ చేసిన ” హనుమాన్ ” మూవీ కూడా సంక్రాంతికే విడుదల కానుంది. ఇవే కాకుండా డబ్బింగ్ సినిమాలలో శివకార్తికేయన్ నటిస్తున్న ” ఆయలాన్ “, రజినీకాంత్ నటిస్తున్న ” లాల్ సలాం ” ఈ మూవీస్ కూడా సంక్రాంతికే విడుదల కానున్నాయి. మరి ఇన్ని సినిమాలు సంక్రాంతి రేస్ లో ఉండగా.. ఏ సినిమా హిట్ అవుతుందో చూడాలి.
Also Read:టైగ‌ర్ 3..అద్భుత‌మైన యాక్ష‌న్ ఎంట‌ర్‌టైన‌ర్‌
