అజార్ కొడుకుతో సానియా చెల్లి పెళ్లి

భారత మాజీ క్రికెటర్,హెచ్‌సీఏ ప్రెసిడెంట్ అజహరుద్దీన్ తనయుడు అసద్ పెళ్లి త్వరలో జరగనుంది. టెన్నిస్ క్రీడాకారిణి సానియా మీర్జా సోదరి ఆనమ్ మీర్జాతో అసద్‌ వివాహం జరగనుంది. ఇందుకు సంబంధించిన అఫిషియల్ కన్ఫర్మేషన్‌ను ఇచ్చింది సానియా మీర్జా. ఢిల్లీలో ఓ టెన్నిస్ టోర్నీకి అతిథిగా హాజరైన సానియా… డిసెంబర్‌లో ఆనమ్ మీర్జా వివాహం ఉంటుందని వెల్లడించింది.

ఆనమ్ – అసద్ ఇద్దరు స్నేహితులు.కొద్ది రోజులుగా ఆనమ్.. అజారుద్దీన్ కుమారుడు అసద్ లవ్‌లో ఉన్నారు. అసద్ కంటే ఆనమ్ మూడేళ్లు పెద్దది.

2015లో హైదరాబాద్‌కు చెందిన బిజినెస్ మ్యాన్ అక్బర్ రషీద్‌ను పెళ్లి చేసుకుంది. అయితే వారిద్దరి మధ్య మనస్పర్థలు రావడంతో విడిపోయారు. ఆ తర్వాత అసద్‌తో ఏర్పడిన పరిచయం ప్రేమగా మారింది. ఈ ఏడాది ఆఖర్లో ఇద్దరు పెండ్లి చేసుకునే అవకాశముందని సమాచారం.