హృదయకాలేయం సినిమాతో టాలీవుడ్‌కు పరిచయమైన హీరో బ‌ర్నింగ్ స్టార్ సంపూర్ణేష్ బాబు. తర్వాత ‘కొబ్బరి మట్ట’, ‘క్యాలీ ఫ్లవర్’ సినిమాల ప్రేక్షకులను మెప్పించిన సంపూ…తాజాగా మిస్టర్ బెగ్గర్‌గా వచ్చేస్తున్నాడు. కార్తిక్ మూవీ మేక‌ర్స్ ప‌తాకంపై శ్రీమ‌తి వ‌డ్ల నాగ శార‌ద స‌మ‌ర్ప‌ణ‌లో తెరకెక్కుతున్న ఈ సినిమాతో దర్శకుడిగా జనార్ధన్ ఇండస్ట్రీకి పరిచయమవుతురు.
ఈ సినిమాలో సంపూ సరసన అద్వితి శెట్టి హీరోయిన్‌గా నటిస్తుండగా మూవీకి మిస్టర్ బెగ్గర్ అనే టైటిల్‌ను ఖరారు చేశారు. శ్రీరామనవమి సందర్భంగా టైటిల్ మోషన్ పోస్టర్‌ను విడుదల చేయగా మంచి రెస్పాన్స్‌ వచ్చింది. ఇప్పటికే ఈ చిత్రం ఫస్ట్ షెడ్యూల్ పూర్తయింది.
ఈ నెల 25న సెకండ్ షెడ్యూల్ ప్రారంభించనుండగా.. దీంతో టాకీ పార్ట్ పూర్త‌వుతుంది. అనంతరం మరో షెడ్యూల్ లో పాట‌లు చిత్రీక‌రించ‌డానికి ప్లాన్ చేస్తున్నామని యూనిట్ తెలపగా ఈ సినిమాలో అలీ, బాబు మోహ‌న్, కాదంబ‌రి కిర‌ణ్ త‌దిత‌రులు ఇతర ముఖ్యపాత్రలు పోషిస్తున్నారు.
