‘యశోద’గా సమంత..!

టాలీవుడ్‌ బ్యూటీ సమంత వరుస సినిమాలతో దూసుకుపోతుంది.. విభిన్న తరహా పాత్రలు అంగీకరిస్తూ నటనకు ప్రాధాన్యం ఉండేలా చూసుకుంటోంది. ఇప్పటికే పలు చిత్రాలతో బిజీగా ఉన్న ఆమె మరో క్రేజీ ప్రాజెక్టులో భాగమయ్యారు. తాజాగా సమంత ప్రధాన పాత్రలో పాన్ ఇండియా చిత్రం ‘యశోద’ నేడు సెట్స్ పైకి వెళ్లింది. ఈ సినిమా సోమవారం పూజా కార్యక్రమాలతో లాంఛనంగా ప్రారంభమైంది.

ఈ విషయాన్ని తెలియజేస్తూ చిత్ర బృందం ఓ పోస్టర్‌ను పంచుకుంది. తెలుగు, తమిళ, కన్నడ, మలయాళం, హిందీ భాషల్లో ఈ చిత్రం తెరకెక్కనుంది. ఈ చిత్రంతో దర్శక ద్వయం హరి-హరీశ్ వెండితెర అరంగేట్రం చేస్తున్నారు. శ్రీదేవి మూవీస్ పతాకంపై శివలెంక కృష్ణప్రసాద్ ‘యశోద’ చిత్రాన్ని నిర్మిస్తున్నారు.