టాలీవుడ్ బ్యూటీ సమంత విడాకుల తర్వాత తరచూ సోషల్‌ మీడియాలో హల్‌ చల్‌ చేస్తోంది.. తాజాగా ఈ అమ్మడు తన ఇన్ స్టాగ్రామ్‌లో ఓ ఫోటోను పోస్ట్ చేసింది. ఈ ఫోటో ఇప్పుడు వైరల్‌గా మారింది. ఇటీవల సామ్‌కు క్రిటిక్స్ చాయిస్ ఫిల్మ్ అవార్డ్ వచ్చింది. ఆ అవార్డును అందుకునేందుకు ఆమె ముంబైలో ఉంది. అవార్డ్ ఫంక్షన్ కోసం ఎమరాల్డ్ గ్రీన్, నలుపు రంగు డ్రెస్సులో తళుక్కున మెరిసింది. కొత్త అందంతో అందరినీ కట్టిపడేసింది. ఆ ఫొటోను ఇన్ స్టాగ్రామ్‌లో ‘నాకు అత్యంత ఇష్టమైన లుక్కిది’ అంటూ పోస్ట్ చేసిన సమంతకు ఎక్కడలేని అభినందనల కామెంట్లు వచ్చాయి.
కాగా ఈ పోస్టపై పలువురు హీరోయిన్లు కామెంట్లు పెట్టారు. చాలా అందంగా ఉన్నావంటూ రష్మిక మందన్న కామెంట్ చేయగా.. ‘ఎందుకో అలా..’ అంటూ సంయుక్త హెగ్డే, ‘ఫైర్’ అంటూ రుహానీ శర్మ, హన్సికలు కామెంట్ చేశారు. ఇక హీరో వెంకటేష్‌ కుమార్తె దగ్గుబాటి ఆశ్రిత కూడా కామెంట్ చేసింది. ఫుడ్ లవర్ అయిన ఆమె ఇన్ఫినిటీ ప్లాటర్ పేరిట ఇన్ స్టాగ్రామ్ ఖాతాను రన్ చేస్తోంది. ఆ ఖాతా నుంచి ‘ముచ్చటేస్తోందంటూ..’ ఓ ఎమోజీని పోస్ట్ చేసింది. సమంత అభిమానులు సైతం ఆమెను చూసి ఎంత అందంగా ఉన్నావో అంటూ కామెంట్లు చేస్తున్నారు.
