కింగ్‌ నాగార్జున తాజాగా నటించిన సినిమా ‘వైల్డ్ డాగ్’. ఈ మూవీ శుక్రవారం వరల్డ్‌ వైడ్‌గా గ్రాండ్‌ రిలీజ్ అయ్యింది. అహిషోర్ సాల్మన్ దర్శకత్వం వహించిన ఈ యాక్షన్ మూవీపై మీడియాలో రివ్యూలు వెలువడుతున్నాయి. అయితే తాజాగా నాగార్జున కోడలు, హీరోయిన్‌ సమంత కూడా ఈ చిత్రంపై తన అభిప్రాయాలను వెల్లడించింది. ‘వైల్డ్ డాగ్’ చిత్రాన్ని చూశానని, అద్భుతంగా ఉందని కొనియాడారు.
చాలాకాలంగా యాక్షన్ సినిమాలను మిస్సవుతున్నానని, ఆ లోటును ‘వైల్డ్ డాగ్’ చిత్రం తీర్చిందని వెల్లడించారు. యాక్షన్, భావోద్వేగాలతో హాలీవుడ్ స్టయిల్లో ఈ సినిమా ఉందని, అన్ని అంశాల కలబోతగా సాగిన ఈ చిత్రాన్ని అందరూ చూడాలని సమంత పిలుపునిచ్చారు. ఇక తన మామగారైన నాగార్జున నటనపై ప్రశంసల జల్లు కురిపించారు. ఎన్ఐఏ అధికారి విజయ్ వర్మ పాత్రను నాగార్జున తప్ప మరెవ్వరూ పోషించలేరని తెలిపింది. వైల్డ్ డాగ్ చిత్రయూనిట్ కు ఆమె అభినందనలు తెలియజేశారు.
 in theatres. The much-awaited Telugu film..){kind=link}