ఖుషి సినిమా తర్వాత నెక్ట్స్ ప్రాజెక్ట్స్‌ని బ్రేక్ ఇచ్చింది సమంత. ప్రస్తుతం తన ఆరోగ్యంపై పూర్తి దృష్టి సారిస్తుండగా కోలుకున్నాక తిరిగి సినిమాలు చేయనుంది. ఖుషి సినిమా బ్లాక్ బాస్టర్ హిట్ కావడంతో సమంతకు అవకాశాలు క్యూ కడుతున్నాయి. తాజాగా ఓ బాలీవుడ్ ఆఫర్ వచ్చినట్లు తెలుస్తోంది. అది స్టార్ హీరో సల్మాన్ ఖాన్‌తో. ఇప్పుడు ఈ వార్త ఇండస్ట్రీలో హాట్ టాపిక్‌గా మారింది.
పవన్ కల్యాణ్ తో పంజా సినిమాను తెరకెక్కించిన విష్ణువర్ధన్ ఓ భారీ ప్రాజెక్టును రూపొందిస్తున్నారు. కరణ్ జొహార్ నిర్మాతగా సల్మాన్ ఖాన్ హీరోగా నటిస్తున్నారు. ఈ మూవీలో సల్మాన్ సరసన సమంతను తీసుకునే ఆలోచనలో ఉన్నారట మేకర్స్. సమంతతో పాటు త్రిష, అనుష్క పేర్లను పరిశీలిస్తున్నట్టు సమాచారం.
ఓ వైపు సినిమాలు మరోవైపు వెబ్ సిరీస్‌లతో బిజీగా ఉంది సమంత. ది ఫ్యామిలీ మ్యాన్ వెబ్ సిరీస్‌తో ఉత్తరాది ప్రేక్షకులకు అలరించింది. అలాగే ఆమె నటించిన సిటాడెల్ వెబ్ సిరీస్ విడుదల కావాల్సి ఉంది.
Also Read:ముందస్తు ఎలక్షన్స్.. జగన్ రెడీ !
