బాలీవుడ్‌ కండల వీరుడు సల్మాన్‌ ఖాన్‌ సినిమాలు అంటే ఎంతో మందికి పిచ్చి. తాజాగా తాను నటిస్తున్న సినిమా ఒకటి 2023వరకు వేచి ఉండాలి అని తన ట్వీటర్‌ ద్వారా తెలిపారు. ఇంతకీ ఏ సినిమానో తెలుసా… అదేనండి టైగర్‌-3. అవునండీ ఎక్‌థా టైగర్‌, టైగర్‌ జిందాహై సినిమాలకు సీక్వెల్‌గా రాబోతున్న టైగర్‌-3ని వచ్చే యేడాది దీపావళికి విడుదల చేస్తామని ప్రకటించారు.
వరుసగా రెండు బ్లాక్‌బస్టర్‌ హిట్‌గా నిలిచిన సినిమాలకు సీక్వెల్‌గా మూడోపార్ట్‌ కోసం అభిమానులు ఎంతగానో ఎదురుచూస్తున్నారు. కాగా ఇందులో ఇమ్రాన్‌ హష్మీ నెగటివ్‌ పాత్రలో కనిపించనున్నారు.
టైగర్‌-3ని ఈద్‌-అల్‌-ఫితర్‌ సందర్భంగా విడుదల చేయాలని భావించిన తర్వాత దీన్ని దీపావళికి మార్చారు. కానీ దీన్ని కంటే ముందుగా కిసీ కా భాయి కిసీ కి జాన్‌ అనే సినిమాను ఏప్రిల్‌21,2023 ఈద్‌ పండుగ వేళ విడుదల చేయనున్నారు. ఈ సినిమాలో విక్టరీ వెంకటేష్‌, పూజహెగ్డే, జగపతిబాబు తదితరులు కీలకపాత్రలు పోషించారు.
టైగర్‌-3పై నెటిజన్లు మిశ్రమ స్పందనలను వ్యక్తపరుస్తున్నారు. కొందరైతే ఈద్‌ శుక్రవారం వస్తుందని, మరికొందరు యార్‌ టైగర్‌ బోహౌత్‌ లేట్‌ హోగయి అని రాస్తున్నారు. ఇంకొందరు అయితే భాయ్‌ ఎందుకు ఈద్‌ కాదు అని హ్యాష్‌ట్యాగ్‌ చేస్తూ వైరల్‌ చేస్తున్నారు. ముందుగా అనుకున్నట్టుగానే ఈద్‌కి విడుదలైతే బాగుండు అని మరికొందరు అంటున్నారు.
