దేవర షూటింగ్ ఇప్పుడు ఫుల్ స్వింగ్ లో నడుస్తుంది. ఎన్టీఆర్ తిరిగి సెట్స్ పైకి వచ్చాక వేగం పెరిగింది. ఎన్టీఆర్, మేకర్స్ దేవర సినిమాని ఖచ్చితంగా అనుకున్న డేట్ కే రిలీజ్ అని గట్టిగా చెబుతూ వస్తున్నారు. అందుకు అనుగుణంగానే తాజాగా షూటింగ్ జరుగుతుంది. సెప్టెంబర్ 12 నుండి మొదలు కాబోయే యాక్షన్ సీక్వెన్స్ లో ఎన్టీఆర్ అలాగే సైఫ్ అలీఖాన్ పై ఓ యాక్షన్ ఎపిసోడ్ ని కొరటాల శివ చిత్రీకరిస్తారట. సైఫ్ అలీఖాన్ దేవరలో స్టైలిష్ విలన్ గా కనిపించబోతున్నాడు. టాలీవుడ్ ఫైట్ మాస్టర్స్ రామ్ లక్ష్మణ్ ల సారథ్యంలో కొరటాల శివ తన మార్క్ ఇంట్రెస్టింగ్ యాక్షన్ సీన్ ని డిజైన్ చేసినట్లుగా తెలుస్తుంది.
ఎన్టీఆర్ కూడా కొరటాల శివకి సపోర్ట్ చేస్తూ ఉండడంతో అనుకున్న సమయానికే దేవర షూటింగ్ పూర్తి చేసి విడుదల చేస్తారంటున్నారు మేకర్స్. ఈ చిత్రంలో ఎన్టీఆర్ కు జోడిగా జాన్వీ కపూర్ మెయిన్ లీడ్ లో కనిపిస్తుండగా.. రష్మిక ఓ స్పెషల్ సాంగ్ లో కనిపించబోతుందట. మొత్తానికి ఎన్టీఆర్ ఇటు దేవర సినిమా షూటింగ్ చేస్తూనే.. అటు ఓ గోల్డ్ కంపెనీ ప్రమోషనల్ యాడ్ లో పాల్గొన్నాడు. వచ్చే వారంలో కూడా ఎన్టీఆర్ పై మరో యాడ్ తీయబోతున్నారు. ఈ యాడ్ లో ఎన్టీఆర్ తో పాటు బాలీవుడ్ నుంచి సల్మాన్ ఖాన్ కూడా నటిస్తాడట.
ఈ యాడ్ తర్వాత మళ్లీ ఎన్టీఆర్ దేవర సెట్స్ లోకి అడుగు పెట్టనున్నాడు. ఐతే, ఎన్టీఆర్ అభిమానులు మాత్రం వార్ 2 పై ఆసక్తిగా ఎదురుచూస్తున్నారు. ఎలాగూ ఈ ‘వార్ 2’ సినిమా పై బాలీవుడ్ లో కూడా భారీ బజ్ క్రియేట్ అయ్యింది. దానికి తోడు ఇందులో హృతిక్‌ రోషన్‌ కూడా మరో హీరోగా నటిస్తున్నాడు. ఈ ఏడాది చివర్లో ఈ చిత్రం చిత్రీకరణ ప్రారంభ‌మ‌వ‌నుంది. 2025 జనవరి 26న ఈ చిత్రాన్ని విడుదల చేయాలని ప్లాన్ చేస్తున్నారు.
Also Read:బాలయ్య సీరియస్.. పాపం బాబీ
