పాన్ ఇండియా స్టార్ ప్రభాస్ హీరోగా వ‌స్తున్న సినిమా సలార్. ప్రశాంత్ నీల్ ద‌ర్శ‌క‌త్వంలో తెర‌కెక్కుతున్న ఈ సినిమా డిసెంబర్ 22న ప్రేక్ష‌కుల ముందుకు రానుంది. ప్ర‌స్తుతం సలార్ మ్యూజిక్ ఆల్బ‌మ్ గురించి ఓ ఇంట్రెస్టింగ్ టాక్ వినిపిస్తోంది. స‌లార్‌లో కేవ‌లం రెండు పాట‌లే ఉంటాయ‌ని, అందులో ఒక‌టి స్పెషల్ సాంగ్ కాగా, మ‌రొక‌టి హీరో ఎలివేష‌న్‌కు సంబంధించిన పాట‌గా తెలుస్తోంది. ఇక సలార్ రిలీజ్‌కు మ‌రో 50 రోజులు మాత్రమే ఉన్న‌ప్ప‌టికీ సలార్ టీమ్, ప్ర‌మోష‌న్స్‌ను వేగ‌వంతం చేయ‌క‌పోవ‌డంతో ఫ్యాన్స్ నిరాశచెందుతున్నారు.
సలార్ నుంచి ఇప్పుడైనా ఓ ట్రైల‌ర్ లేదా సాంగ్ రిలీజ్ చేస్తే బావుంటుంద‌ని ప్రభాస్ అభిమానులు అభిప్రాయ‌ప‌డుతున్నారు. ఎంతైనా ప్రభాస్ ఒక పాన్ ఇండియా స్టార్. అలాంటి ప్రభాస్ హీరోగా నటిస్తున్న సలార్ కి ఏ రేంజ్ లో ప్రమోషన్స్ చేయాలి. కానీ, సలార్ టీమ్ మాత్రం ప్రమోషన్స్ లో పూర్తిగా నిరాశ పరుస్తోంది. డైరెక్టర్ ప్రశాంత్ నీల్ కి ప్రమోషన్స్ లో మంచి పట్టు ఉంది. మరెందుకో సలార్ విషయంలో ప్రశాంత్ నీల్ కూడా పెద్దగా ఉత్సాహం చూపించడం లేదని టాక్. ఏది ఏమైనా సలార్ చిత్రంపై ఇండస్ట్రీలో భారీ అంచనాలున్నాయి.
అందుకే, సలార్ సినిమా ఓటీటీ హక్కులు భారీ రేట్ కు అమ్ముడయ్యాయట. ఈ సినిమా ఓటీటీ హక్కులను నెట్‌ఫ్లిక్స్ సంస్థ ఏకంగా రూ.160 కోట్ల భారీ మొత్తానికి దక్కించుకుందట. ఇక వ‌రుస సినిమాల‌తో బిజీగా ఉన్న ప్రభాస్, సందీప్ రెడ్డి వంగ‌తో స్పిరిట్ సినిమా చేయాల్సిన సంగ‌తి తెలిసిందే. ఈ సినిమా షూటింగ్ గురించి తాజాగా ఓ ఇంట్రెస్టింగ్ న్యూస్ వినిపిస్తోంది. సలార్ రిలీజ్ అయిన వెంటనే.. ప్రభాస్ ఈ సినిమా షూట్ ను స్టార్ట్ చేస్తారట. వచ్చే ఏడాది ఎండింగ్ నాటికి షూటింగ్ పూర్తి చేసేలా ప్లాన్ చేస్తున్న‌ట్లు తెలుస్తోంది. 2025 స‌మ్మ‌ర్‌లో కానీ, ఏడాది చివ‌ర్లో కానీ ఈ సినిమాను రిలీజ్ చేసే విధంగా స‌న్నాహాలు చేస్తున్నార‌ట ద‌ర్శ‌క‌నిర్మాత‌లు.
Also Read:నడుంనొప్పితో బాధపడుతున్నారా?
