సాయిధరమ్ తేజ్ హీరోగా తెరకెక్కిన చిత్రం విరూపాక్ష. ఈ నెల 21న సినిమా ప్రేక్షకుల ముందుకురానుండగా ఇప్పటికే రిలీజైన టీజర్,గ్లింప్స్, ట్రైలర్, సాంగ్స్‌తో అంచనాలను అమాంతం పెంచేశారు తేజ్.
తాజాగా ఈ సినిమా ప్రీ రిలీజ్ ఈవెంట్ ఏలూరులో నిర్వహించగా ఈ సందర్భంగా మాట్లాడుతూ ఎమోషన్ అయ్యారు తేజ్. ఈ సినిమా కేవలం అమ్మ, తమ్ముడి కోసమే చేశాను. బాగానే వెళ్తుంది సినిమా లైఫ్ అనుకున్నా కానీ ఆరు ఫ్లాప్స్ వచ్చాయి. జీవితం బాగా తెలిసొచ్చిందన్నారు.
బైక్స్ అంటే నాకు చాలా ఇష్టం. నేనేమి తప్పు చేయలేదు. జారి పడ్డాను, యాక్సిడెంట్ అయింది. కళ్ళు తెరిచి చూస్తే ఎదురుగా అమ్మ, తమ్ముడు ఉన్నారు. మాట్లాడలేకపోయాను, ఏడుపొచ్చేసింది. లైఫ్ మీద భయపడ్డాను అని తెలిపారు తేజ్. యాక్సిడెంట్ తర్వాత కోలుకొవడానికి చాలా కష్టపడ్డానని తెలిపారు. ఈ సినిమా అయితే బ్లాక్ బస్టర్. సుకుమార్ గారు ఫోన్ చేసి ఒక కథ పంపిస్తాను విను అన్నారు. నేనేమో లవ్ స్టార్ అనుకున్నాను, కానీ హారర్ స్టోరీ పంపించారు. డైరెక్టర్ కార్తిక్ బాగా నెరేట్ చేశాడన్నారు.
ఇవి కూడా చదవండి..
