ఎనర్జిటిక్ స్టార్ రవితేజ ప్రధాన పాత్రలో నటిస్తున్న “మాస్ జాతర” చిత్రం ద్వారా మరోసారి ప్రేక్షకులను అలరించడానికి సిద్ధమవుతున్నారు. భాను భోగవరపు దర్శకత్వం వహిస్తున్న ఈ చిత్రంలో శ్రీలీల రవితేజ సరసన హీరోయిన్గా నటిస్తోంది.
సినిమా ప్రమోషన్లు ఇప్పటికే జోరుగా సాగుతున్నాయి. రవితేజ ప్రస్తుతం కిశోర్ తిరుమల దర్శకత్వంలో రూపొందుతున్న తన తదుపరి చిత్రం (RT76) కోసం స్పెయిన్లో షూటింగ్లో పాల్గొంటున్నారు. ఇదే సమయంలో ఆ చిత్ర నాయిక ఆషికా రంగనాథ్ ఇన్స్టాగ్రామ్లో ఆసక్తికరమైన అప్డేట్ పంచుకున్నారు.
స్పెయిన్లో పాట షూటింగ్ పూర్తయిందని, దాని ఫోటోలు, వీడియోలను స్టోరీస్లో షేర్ చేశారు. దీతో స్పెయిన్ షెడ్యూల్ పూర్తయింది, త్వరలో టీమ్ భారత్కు తిరిగి రానుంది. భారతదేశానికి తిరిగి వచ్చిన తర్వాత రవితేజ మాస్ జాతర ప్రమోషన్లలో మరింత వేగం పెంచనున్నారు. ఈ చిత్రంలో ఆయన రైల్వే పోలీస్ ఆఫీసర్ పాత్రలో కనిపించనున్నారు. గత చిత్రం ఆశించిన స్థాయిలో విజయం సాధించకపోవడంతో, ఈ సినిమా విజయానికి రవితేజకు అత్యంత ప్రాధాన్యం ఉంది.
సితార ఎంటర్టైన్మెంట్స్ మరియు ఫార్చ్యూన్ ఫోర్ సినిమాస్ సంయుక్తంగా నిర్మిస్తున్న ఈ చిత్రంలో రజేంద్ర ప్రసాద్ కీలక పాత్రలో నటిస్తుండగా, సంగీతాన్ని భీమ్స్ సిసిరోలియో అందిస్తున్నారు.
Also Read:పుతిన్తో చర్చలపై ట్రంప్