‘ఆర్ఆర్ఆర్’ నుండి బిగ్‌ సర్‌ప్రైజ్‌..

రామ్ చరణ్, ఎన్టీఆర్ హీరోలుగా తెరకెక్కిన భారీ చిత్రం ఆర్ఆర్ఆర్. దర్శకధీరుడు ఎస్ఎస్ రాజమౌళి దర్శకత్వంలో రూపొందిన ఈ సినిమా ఈ నెల 25న గ్రాండ్‌గా రిలీజ్ కానుంది. కాగా, ఆర్ఆర్ఆర్ కథాంశం స్ఫూర్తిని చాటే ప్రత్యేక గీతం విడుదలపై చిత్రం బృందం తాజాగా అప్‌డేట్ ఇచ్చింది. మార్చి 14న ఈ పాటను విడుదల చేస్తున్నామని తెలిపారు. ‘ఆర్ఆర్ఆర్’ చిత్రం విడుదలకు ఈ మనోరంజక గేయం కౌంట్ డౌన్ పలుకుతుందని, అభిమానుల్లో నెలకొన్న ఉత్సాహాన్ని మరింత పెంపొందిస్తుందని తెలిపారు.

ఈ మూవీలో బాలీవుడ్ న‌టి అలియాభట్, ఒలివియా మొర్రీస్ మ‌రో ఫీ మేల్ లీడ్ రోల్స్ లో న‌టిస్తున్నారు. బాలీవుడ్ యాక్ట‌ర్లు అజ‌య్ దేవ్‌గన్, శ్రియాశ‌ర‌ణ్, కోలీవుడ్ యాక్ట‌ర్ స‌ముద్ర‌ఖ‌ని ఇత‌ర కీల‌క పాత్ర‌లు పోషిస్తున్నారు. వ‌ర‌ల్డ్ వైడ్‌గా తెలుగు, హిందీ, త‌మిళం, మ‌ల‌యాళం, క‌న్న‌డ భాష‌ల్లో విడుద‌ల కాబోతుంది.