త్రివిక్రమ్ బన్నీతో సినిమా చేయనున్నాడు అని, అసలు త్రివిక్రమ్ ఇంకో ఆరేళ్ల వరకూ ఖాళీ లేకుండా సినిమాలు ఒప్పుకున్నాడు అని వండిన వార్తలు చక్కర్లు కొట్టాయి. త్రివిక్రమ్, అల్లు అర్జున్ తో సినిమా చేస్తే చెయ్యొచ్చు. అది పెద్ద విశేషమేమీ కాదు. కానీ, ఎప్పుడు చేస్తాడు అన్నదే ముఖ్యం. అసలు త్రివిక్రమ్ ఆరేళ్లు బిజీ అనే రూమర్లే అర్ధం పర్ధం లేనివిగా ఉన్నాయి.
“అల వైకుంఠపురములో” సినిమా విడుదల అవ్వగానే.. త్రివిక్రమ్ “జూ ఎన్టీఆర్” పాన్ ఇండియా సినిమా అంటూ ప్రకటించాడు. దాంతో, సదరు వెబ్ సైట్లు ఇంకొంచెం ముందుకెళ్లి ఎన్టీఆర్ సినిమా కాగానే.. మహేష్ – బన్నీ లతో త్రివిక్రమ్ మల్టీస్టారర్ అని వార్తలు రాశాయి. ఆ రకంగా త్రివిక్రమ్ తో ఇద్దరు హీరోల సినిమా కూడా ఫిక్స్ చేశాయి గాసిప్స్. కానీ చివరకు ఏమైంది ?, త్రివిక్రమ్ – ఎన్టీఆర్ సినిమా కూడా అటకెక్కింది.
ప్రస్తుతం సూపర్ స్టార్ మహేష్ బాబుతో తన తదుపరి చిత్రం అని త్రివిక్రమ్ ప్రకటించాడు. కానీ.. సినిమా మాత్రం ఆశించిన స్థాయిలో ముందుకు వెళ్లడం లేదు. వెళ్లినా మళ్లీ ఏదో రకంగా బ్రేక్ పడుతుంది. అసలు ఈ సినిమా ఎప్పుడు ఫినిష్ అవుతుందో కూడా త్రివిక్రమే చెప్పలేని పరిస్థితి ఉంది. అయినా ఎప్పటికప్పుడు ఈక్వేషన్ లు మారే సినీ ఇండస్ట్రీలో మరో ఆరేళ్ళ తర్వాత ఎవరు ఏ సినిమా చేస్తారో చెప్పడం కచ్చితంగా కష్టమే. హిట్ కొడితే ఒక రకంగా, ఫ్లాప్ ఐతే మరో రకంగా ప్రవర్తించాల్సిన అవసరం ఉంటుంది ఈ ఇండస్ట్రీలో. కాబట్టి.. త్రివిక్రమ్ భవిష్యత్తు సినిమాల పై వచ్చే పుకార్లను పట్టించుకోక్కర్లేదు. వీటి పై త్రివిక్రమ్ కూడా స్పందింస్తూ ఆ పుకార్లకు నమస్కారం అన్నాడట.
ఇవి కూడా చదవండి…
