సంచలన డైరెక్టర్ రాంగోపాల్ వర్మ దర్శకత్వంలో నాగార్జున హీరోగా తెరకెక్కుతున్న చిత్రం ఆఫీసర్. నాగ్ సరసన మైరా సరీన్ హీరోయిన్ గా నటిస్తున్న ఈ చిత్రం మే 25న ప్రేక్షకుల ముందుకురానుంది. ఇప్పటికే చిత్ర ప్రమోషన్‌లో బిజీగా ఉన్న సినిమా యూనిట్ రేపు సాయంత్రం మరో టీజర్‌ని విడుదల చేసింది.
యాక్షన్‌తో పాటు సెంటిమెంట్‌తో కూడిన ఈ టీజర్‌ ఇప్పుడు యూ ట్యుబ్‌లో ట్రెండింగ్‌గా మారింది. ఇందులోని స‌న్నివేశాలని చూస్తుంటే వర్మ మార్క్ స్ప‌ష్టంగా క‌నిపిస్తుంది. కిడ్నాప్ అయిన పాపని రక్షించే నేప‌థ్యంలో ఈ మూవీ తెర‌కెక్కిన‌ట్టు స‌మాచారం.. చిత్ర షూటింగ్ మొత్తం ముంబైలోనే జ‌రిగిన‌ట్టు తెలుస్తుంది. ఇప్పటివరకు 20 లక్షలకు పైగా వ్యూస్‌తో యూ ట్యూబ్‌లో ట్రెండింగ్‌గా మారింది.
గతంలో వర్మ, నాగార్జున కాంబినేషన్ లో వచ్చి సంచలనం సృష్టించిన చిత్రం ‘శివ’. మళ్లీ వీరిద్దరి కలయికలో వస్తున్న ఆఫీసర్ సినిమాపై భారీ అంచనాలు నెలకొన్నాయి. ఈ సినిమాలో నాగార్జున నటన, యాక్షన్ సన్నివేశాలు సినిమాను ఓ స్థాయిలో నిలబెడుతుందని చిత్ర యూనిట్ తెలిపింది.
