సూపర్స్టార్ రజనీకాంత్‌ తాజాగా నటిస్తున్న చిత్రం ‘పేట’. ఈ సినిమాకు కార్తిక్‌ సుబ్బరాజ్‌ దర్శకత్వం వహిస్తుండగా.. సన్‌పిక్చర్స్‌ సంస్థ భారీ బడ్జెట్‌తో సినిమాను నిర్మిస్తోంది. ఇందులో త్రిష, సిమ్రన్‌ కథానాయికలుగా నటిస్తున్నారు. విజయ్ సేతుపతి, మేఘా ఆకాశ్‌, బాబి సింహా, శశికుమార్‌ తదితరులు ప్రధాన పాత్రలు పోషించారు. జనవరి 10న చిత్రాన్ని ప్రేక్షకుల ముందుకు తీసుకురావడానికి సన్నాహాలు చేస్తున్నారు. తాజాగా ‘పేట’ సినిమా ట్రైలర్‌ను శుక్రవారం విడుదల చేశారు.
ఈ నేపథ్యంలో సినిమా ట్రైలర్‌ చూసిన ప్రముఖ దర్శకుడు రామ్‌గోపాల్‌ వర్మ రజనీ గురించి ఆసక్తికర ట్వీట్‌ చేశారు. సినిమా ట్రైలర్‌లో చాలా అందంగా కనిపించారని వర్మ అన్నారు. ఇందులో తలైవా స్టైలిష్‌గా కనిపించారు. ఈ ట్రైలర్‌కు మంచి స్పందన లభించింది. ప్రస్తుతం ‘పేట ట్రైలర్‌’ అనే హ్యాష్‌ట్యాగ్ ఇండియా ట్విటర్‌ ట్రెండింగ్‌లో రెండో స్థానంలో ఉంది. ఈ ట్రైలర్‌ను చూసిన వర్మ ట్విటర్‌లో ఈ విధంగా కామెంట్‌ పెట్టారు.
‘రజనీ ఒకేఒక్క సూపర్స్టార్. ఆయన 20 ఏళ్లు చిన్నవాడిలా.. 30 రెట్లు ఉత్సాహంగా కనిపిస్తున్నారు’ అని వర్మ ప్రశంసించారు. ఈ చిత్రానికి అనిరుధ్‌ సంగీతం సమకూర్చారు. ఈ చిత్రం ఇటీవలే షూటింగ్‌, పోస్ట్‌ ప్రొడక్షన్‌ పనులు పూర్తి చేసుకుంది. సెన్సార్‌ బోర్డు ‘యూ/ఏ’ ధ్రువపత్రం ఇచ్చింది. ‘పేట’ను వివిధ భాషల్లోనూ విడుదల చేయాలని దర్శక, నిర్మాతలు భావిస్తున్నారట.
FUCK he’s the one and only SUPER STAR.. @rajinikanth is looking 20 years younger and 30 times more energetic #PettaTrailer https://t.co/CH47E5f0Gp
— Ram Gopal Varma (@RGVzoomin) December 28, 2018
