రాంగోపాల్ వర్మ నిత్యం ఏదో ఒక వార్తలతో సోషల్‌ మీడియాలో హడవుడి చేస్తుంటాడు. ఒకరి ఇష్టాలతో సంబంధం లేకుండా తనకు నచ్చినట్లు చేస్తుంటాడు వర్మ. ఆయన తన ట్విట్టర్‌లో ఎదో ఒక పోస్టుపెట్టి వేరైటీ కామెంట్లతో నెటిజన్లను కంగారుపెడతాడు. అసలే వర్మపై నెటిజన్లు ఇప్పటికే తీవ్రస్థాయిలో మండిపడుతున్నారు. ఇటీవలే తన ట్వీట్‌లతో మొన్నటి వరకు మెగా ఫ్యామిలీని టార్గెట్ చేసే రాంగోపాల్ వర్మ ఈ సారి టార్గెట్ మార్చాడు.
ఈ సారి సూపర్‌స్టార్‌ మహేశ్‌బాబుపై విమర్శలు చేశారు సంధించిన వర్మ. ప్రత్యేక హోదా కోసం పవన్ వరుస ట్వీట్ లు చేస్తున్న నేపథ్యంలో ఈ ఉద్యమానికి మహేష్ బాబు ఎందుకు మద్దతు పలకటం లేదని వర్మ ప్రశ్నించాడు. తమిళ సాంప్రదాయమైన జల్లికట్లు కోసం ట్వీట్ చేసిన మహేష్, తన సొంతం ప్రాంతమైన ఆంధ్రప్రదేశ్‌ స్పెషల్‌ స్టేటస్‌కు ఎందుకు మద్దతివ్వడంలేదన్నాడు.
రాష్ట్ర ప్రజలంటే పవన్ కల్యాణ్ కు ఉన్నంత శ్రద్ధ మహేష్ బాబుకు లేదని అన్నాడు. డబ్బింగ్ మార్కెట్ అంటే మహేష్ బాబుకు ఇష్టంగా ఉందని, తనను సూపర్ స్టార్ చేసిన ప్రజల సమస్యలను పట్టించుకోవడం లేదని…ఈ విషయం తనకు దిగ్భ్రాంతిని కలిగిస్తోందని… ఏపీ సమస్యలను వదిలేసి తమిళ సంస్కృతికి మద్దతివ్వడం ఏంటని ట్వీట్టర్‌ ద్వారా ప్రశ్నించాడు వర్మ. పవన్ పోరాటంతో కలిసిరాని సెలబ్రిటీలు ద్రోహులుగా మిగిలిపోతారని వర్మ అన్నాడు.
చంద్రబాబు ముఖ్యమంత్రి అయ్యుండి రాష్ట్ర సమస్యల కన్నా పవన్‌కళ్యాణ్‌ గురించి ఎక్కువగా కంగారు పడటం ఆశ్చర్యం కలిగిస్తోంది. మహేష్ ఒకవేళ రాజకీయాలకు దూరంగా ఉండాలి అనుకుంటే జల్లికట్టుకు ఎందుకు సపోర్ట్ చేసినట్టు, పవన్ కు ఎందుకు సపోర్ట్ చేయనట్టు..?’ అంటూ తనదైన స్టైల్ లో ప్రశ్చించాడు వర్మ. ఇది చూసిన మహేష్ అభిమానులు మాత్రం పవన్‌కళ్యాన్‌కు వర్మ బాగానే డబ్బా కొడుతున్నాడు అని సెటైర్లు వేస్తున్నారు.
