ఆయనతో ఉంటే సేఫ్‌: రేణు దేశాయ్

నిర్మాత రాజ్ కందుకూరిపై ప్రశంసలు గుప్పించారు పవన్ మాజీ భార్య,సినీ నటి రేణు దేశాయ్‌. రాజ్ కందుకూరి కుమారుడు శివ కందుకూరి హీరోగా చూసి చూడంగానే సినిమా ప్రేక్షకుల ముందుకురానుండగా ప్రీ రిలీజ్‌ వేడుకను ఘనంగా నిర్వహించారు.

ఈ సందర్భంగా మాట్లాడిన రేణు… ఏ ఫీమేల్ టెక్నీషియన్‌ అయినా రాజ్ కందుకూరితో కలిసి పనిచేస్తే ఆమె చాలా సేఫ్‌గా ఉంటారని గర్వంగా చెప్పగలనని చెప్పారు. ఈ సినిమాలోని ఓ పాటను నా చేత విడుదల చేయించినందుకు చాలా సంతోషంగా ఉంది. నాకు ఎంతో ఇష్టమైన అనంత్ శ్రీరామ్, చిన్మయి ఈ పాటకు కలిసి పనిచేశారని చెప్పారు.

రాజ్‌కుమార్‌ లాంటి నిర్మాతలు ఇండస్ట్రీకి చాలా అవసరం అని ఈ సినిమా మంచి మ్యూజికల్ హిట్ అవుతుందని కచ్చితంగా చెప్పగలనని తెలిపారు.