దిల్ రాజు బేనర్ లో ప్రస్తుతం చాలా బడా సినిమాలున్నాయి. ఇవి కాకుండా దిల్ రాజు ప్రొడక్షన్స్ అనే బేనర్ లో ఓ చిన్న సినిమా కూడా రాబోతుంది. ఆ సినిమానే బలగం. ప్రియదర్శి , కావ్య కళ్యాణ్ రామ్ జంటగా విలేజ్ డ్రామాగా తెరకెక్కిన ఈ సినిమాతో కమెడియన్ వేణు దర్శకుడిగా మారాడు.
షూటింగ్ పూర్తయింది. పోస్ట్ ప్రొడక్షన్ వర్క్ కూడా అయిపొయింది. ప్రస్తుతం స్పెషల్ షోస్ వేస్తూ దిల్ రాజు టీమ్ తో కలిసి ఊరూరా సందడి చేస్తున్నారు. హైదరాబాద్, నిజామాబాద్, మహబూబ్ నగర్ లో మూడు షోస్ వేశారు. తాజాగా రిలీజ్ డేట్ ప్రకటించారు. ముందు నుండి చెప్తున్నట్టు మార్చ్ 3నే బలగం థియేటర్స్ లోకి రానుంది. ఈ చిన్న సినిమా తమ కొత్త బేనర్ కి గొప్ప గౌరవం, అలాగే అవార్డులు తెస్తుందని దిల్ రాజు చాలా నమ్మకం తో ఉన్నారు.
ఒక పల్లెటూరిలో ఓ పెద్ద మనిషి మరణం తర్వాత వచ్చే డ్రామా తో ఎమోషనల్ క్లైమాక్స్ తో బలగం తెరకెక్కింది. మరి ఈసినిమా ప్రేక్షకులను మెప్పించి ఊహించి వసూళ్ళు రాబడుతుందా? చూడాలి.
ఇవి కూడా చదవండి…
