ప్రశాంత్ వర్మ దర్శకత్వంలో నానీ నిర్మాతగా మారి తెరకెక్కించిన ‘అ!. అనుభవజ్ఞుడు కాకపోయినా ‘అ!’ద్భుతమైన చిత్రాన్ని ప్రేక్షకులకు అందించారు.అన్ని సినిమాలయందు ‘అ!’ సినిమా వేరయా అంటూ ప్రచారంలో వినూత్న శైలి చూపిస్తూ విడుదలైన ఈ చిత్రానికి ప్రేక్షకులు బ్రహ్మరథం పడుతున్నారు.
ఈ సందర్భంగా మాట్లాడిన ప్రశాంత్ వర్మ చిరంజీవి, బాలకృష్ణలతో ఓ మల్టీస్టారర్ చిత్రం తెరకెక్కించాలని ఉందని వెల్లడించారు. చిన్నప్పటి నుంచే చదువతో పాటు సినిమాలపై ఆసక్తి ఉండేదని..ఆ ఆసక్తితోనే ఇండస్ట్రీలోకి వచ్చానని తెలిపారు. దీనమ్మ జీవితం అనే షార్ట్‌ ఫిల్మ్‌ తీసానని అది యూ ట్యూబ్‌లో వైరల్‌గా మారిందని తెలిపారు.
‘అ!’ సినిమా చిత్రీకరణ జరుగుతున్న సమయంలోనే మెగాస్టార్‌ చిరంజీవికి కథ వినిపించే అవకాశం వచ్చిందని కానీ…చిరు లాంటి స్టార్ హీరోతో కలిసిపనిచేయడం రిస్క్‌ అనపించిందన్నారు. తన కెరీర్‌లో తప్పకుండా చిరు-బాలయ్య కాంబినేషన్‌లో మల్టీస్టారర్ తీసి తీరుతానని స్పష్టం చేశారు. మరి ఈ యువ దర్శకుడి కోరిక నేరవేరుతుందో లేదో వేచిచూడాలి.
