దాదాపు రూ. 200 కోట్ల బడ్జెట్‌తో టాలీవుడ్‌ మెగా పవర్‌స్టార్ రామ్ చరణ్, తమిళ డైరెక్టర్‌ శంకర్ కాంబోలో సినిమా తెరకెక్కుతున్న సంగతి తెలిసిందే. చరణ్ కెరీర్‌లో ఇది 15వ సినిమా కాగా కియారా అద్వానీ హీరోయిన్‌గా నటిస్తోంది. దిల్ రాజు బ్యానర్‌లో ఇది 50వ చిత్రం కాగా తమన్ సంగీతం అందిస్తుండగా సునీల్, శ్రీకాంత్, మలయాళ స్టార్ జయరాం ముఖ్యపాత్రలు పోషిస్తున్నారు.
ఈ సినిమాకు కార్తీక్ సుబ్బరాజ్ కథను అందించారు. జానీ మాస్టర్ కొరియోగ్రఫీ అందించనున్నారు. రామ్ చరణ్ ఈ సినిమాలో ద్విపాత్రాభినయం చేయనుండగా…తండ్రీకొడుకులుగా కన్పించబోతున్నారని టాక్ నడుస్తోంది. రెండు విభిన్నమైన లుక్స్ లో.. క్లీన్ షేవ్ తో మిస్టర్ పర్ఫెక్ట్ లా, ఇక లేలేత మీసాలు, గడ్డంతో మరో లుక్ లో ప్రేక్షకులను థ్రిల్ చేయబోతున్నాడట.
కియారా అద్వానీకి ఇది మొదటి పాన్-ఇండియా ప్రాజెక్ట్ కాగా రెండోసారి రామ్ చరణ్‌తో కలిసి నటిస్తోంది. వీరిద్దరూ 2019లో వచ్చిన “వినయ విధేయ రామ”లో జతకట్టారు.ఇక ప్రస్తుతం చరణ్..ఆచార్య సినిమాలో నటిస్తుండగా త్వరలో విడుదలకు సిద్ధంగా ఉంది.
