పెద్ద నోట్ల రద్దుతో మార్కెట్లో నెలకొన్న చిల్లర కష్టాలకు చెక్‌ పెట్టేందుకు రిజర్వు బ్యాంకు ఆఫ్‌ ఇండియా త్వరలోనే రూ.200 కరెన్సీ నోట్లను ప్రవేశపెట్టబోతుంది. ఇప్పటికే వీటి ప్రింటింగ్‌ ఆర్డర్‌ కూడా షురూ అయింది. 2017 ఏడాది ముగియడానికి ముందే ఈ కొత్త నోట్లు మార్కెట్లోకి రాబోతున్నాయి. అయితే, ఈ నోట్లు ఏటీఎంలలో లభించవు. కేవలం బ్యాంకుల్లో మాత్రమే ఖతాదారులకు అందచేయనున్నారు.
అయితే దీనిపై ఆర్‌బీఐ అధికారిక ప్రకటన చేయాల్సి ఉంది. రూ.200 నోటు అందుబాటులోకి వస్తే చిన్న నోట్ల సరఫరా-డిమాండ్‌ మధ్య అంతరం బాగా తగ్గుతుందని, నగదు లభ్యత కూడా మెరుగవుతుందని పలువురు భావిస్తున్నారు. ఈ ఏడాది మార్చి తర్వాత కేంద్ర ఆర్థిక మంత్రి అరుణ్‌జైట్లీతో సమావేశమైన ఆర్‌బీఐ అధికారులు రూ.200నోటు ప్రవేశపెట్టే దానిపై చర్చించి నిర్ణయం తీసుకున్నారట.
2016 నవంబరు 8న ప్రధాని నరేంద్ర మోదీ రూ.500, రూ.1000 నోట్లను రద్దు చేస్తున్నట్లు ప్రకటించిన విషయం తెలిసిందే.
 is expected to introduce Rs 200 notes in the coming months to ease pressure on lower-denomination currencies that are in short supply.){kind=link}