వి.ఐ.ఆనంద్ దర్శకత్వంలో మాస్ మహారాజ్ రవితేజ హీరోగా ‘డిస్కోరాజా’ సినిమా రూపుదిద్దుకుంటోంది. ఎస్.ఆర్.టి. ఎంటర్‌టైన్మెంట్స్ బ్యానర్‌పై తెరకెక్కుతున్న ఈ చిత్రానికి రామ్ తాళ్లూరి నిర్మాతగా వ్యవహరిస్తుండగా, థమన్ సంగీతం అందిస్తున్నారు. ఈ చిత్రంలో రవి తేజ సరసన నభా నటేశ్ .. పాయల్ .. తాన్యా హోప్ అలరించనున్నారు. ఈ సినిమాను ఈ నెల 24వ తేదీన విడుదల చేయనున్నారు.
ఈ నేపథ్యంలో తాజాగా సెన్సార్ కార్యక్రమాలను పూర్తి చేసుకుంది. సెన్సార్ బోర్డువారు ఈ సినిమాకి యు\ఏ సర్టిఫికేట్ ను మంజూరు చేశారు. ఈ సినిమాలో రవితేజ ద్విపాత్రాభినయం చేయనున్నారు. ముఖ్యమైన పాత్రల్లో సునీల్ .. వెన్నెల కిషోర్ కనిపించనున్నారు. ఈ సినిమాకి తమన్ అందించిన సంగీతం ప్రత్యేకంగా నిలవనుందని అంటున్నారు. గత కొంతకాలంగా సరైన హిట్ కోసం ఎదురు చూస్తున్న మాస్ మహారాజకు ఈ సినిమా ఎలాంటి విజయం అందిస్తుందో వేచిచూడాలి.
