భారత క్రికెట్ జట్టు ప్రస్తుతం అత్యంత క్లిష్టమైన దశను ఎదుర్కొంటోంది. ఐర్లాండ్తో జరిగిన టీ20 సిరీస్ను కోల్పోయిన తర్వాత ఇంగ్లాండ్తో జరిగిన టీ20 సిరీస్లో కూడా 4-0తో ఘోర పరాజయాన్ని మూటగట్టుకుంది. అంతేకాకుండా వన్డే సిరీస్లో కూడా ఇంగ్లాండ్ 2-1 తేడాతో భారత్ను ఓడించింది. ఇటీవలి కాలంలో భారత జట్టు నమోదు చేసిన అత్యంత పేలవమైన ప్రదర్శనలలో ఇది ఒకటిగా నిలిచింది.
ఈ సిరీస్ సందర్భంగా అత్యంత వివాదాస్పదమైన అంశాలలో జట్టు ఎంపిక ఒకటి. స్టార్ స్పిన్నర్ కుల్దీప్ యాదవ్ను జట్టులోకి ఎందుకు ఎంపిక చేయలేదనే దానిపై చాలా మంది ప్రశ్నలు గుప్పించారు. దీనిపై భారత మాజీ క్రికెటర్ రవిచంద్రన్ అశ్విన్ మాట్లాడుతూ జట్టులో కుల్దీప్ యాదవ్ లేకపోవడంపై తీవ్ర ఆందోళన వ్యక్తం చేశారు.
మేము (అశ్విన్ మరియు జడేజా) తప్పుకున్న తర్వాత ఇప్పుడు అతని వంతు వచ్చింది. అతడే నంబర్ వన్ స్పిన్నర్గా ఉండాలి. అతనిపై సరైన నమ్మకం చూపించనప్పుడు, కుల్దీప్ యాదవ్ ఇలాగే కొనసాగడంలో అర్థం ఏమిటి? కుల్దీప్ యాదవ్ భవిష్యత్తు దిశ ఏంటి? అని అశ్విన్ తన యూట్యూబ్ ఛానెల్లోని ఒక వీడియోలో ప్రశ్నించారు.
ప్రతి ఒక్కరికీ తమకంటూ కొందరు ఇష్టమైన ఆటగాళ్లు ఉంటారని నాకు తెలుసు. ‘నేను అందరినీ సమానంగా చూస్తాను’ అని ఎవరైనా చెప్పడం సాధ్యం కాని పని. మనకు తెలియకుండానే మనకు నచ్చిన ఆటగాళ్లు ఉంటారు. అది సాధారణమే, కానీ ఈ విషయంలో జరుగుతున్నది మాత్రం చాలా విచిత్రంగా ఉంది. నిన్నటి నిర్ణయం కుల్దీప్కు పెద్ద షాక్ లాంటిది అని ఆయన జోడించారు.
Also Read:శ్రీ విష్ణు..’కామ్రేడ్ కళ్యాణ్’
భారత జట్టు తదుపరి షెడ్యూల్ విషయానికి వస్తే, టీమిండియా త్వరలోనే జింబాబ్వేతో మూడు మ్యాచ్ల టీ20 సిరీస్లో తలపడనుంది. హరారే వేదికగా జులై 23, 25 మరియు 26 తేదీలలో ఈ మూడు టీ20 మ్యాచ్లు జరగనున్నాయి.