కన్నడ భామ రష్మక మందన అతి తక్కువ కాలంలో స్టార్ హీరోయిన్ గా ఎదిగింది. తెలుగు, తమిళ్, కన్నడలో స్టార్ హీరోలతో నటిస్తోంది. ఇటివలే తెలుగులో మహేశ్ బాబుతో సరిలేరు నీకెవ్వరు సినిమాలో నటించి మంచి గుర్తింపు తెచ్చుకుంది. అల్లు అర్జున్ సుకుమార్ మూవీలో కూడా ఛాన్స్ కొట్టేసింది. ఇదిలా ఉండగా బాలీవుడ్ నుంచి వచ్చిన భారీ ఆఫర్ ను వదులుకుంది రష్మీక. నేచురల్ స్టార్ నాని హీరోగా నటించిన జెర్సీ సినిమా మంచి విజయం సాధించిన సంగతి తెలిసిందే. దీంతో ఈమూవీని బాలీవుడ్ లో రిమేక్ చేస్తున్నారు.
నాని పాత్రలో షాహిద్ కపూర్ నటిస్తున్నారు. ఈ సినిమాను సితార ఎంటర్‌టైన్‌మెంట్స్‌తో దిల్ రాజు, అల్లు అరవింద్ నిర్మిస్తున్నారు.క్రికెట్ నేపథ్యం ఉన్న సినిమా కావడంతో అతడు దాదాపు రెండు నెలల నుంచి ప్రాక్టీస్ చేస్తున్నాడు.ఈమూవీ షూటింగ్ డిసెంబర్ నుంచి ప్రారంభంకానుంది. ఈమూవీలో హీరోయిన్ గా మొదట రష్మీక మందనను ఎంపిక చేశారు. తాజాగా ఉన్న సమాచారం మేరకు ఈమూవీ నుంచి రష్మీక తప్పుకున్నట్లు తెలుస్తుంది. మరో హీరోయిన్ ను వెతికే పనిలో ఉన్నారు చిత్రయూనిట్.
