రణ్వీర్ సింగ్ నటించిన ‘ధురంధర్’ సినిమా విడుదలకు ముందే వరుస వివాదాల్లో చిక్కుకుంది. ముఖ్యంగా ఇందులో ఉన్న పాక్ వ్యతిరేక సన్నివేశాలు, సంభాషణలు కారణంగా ఆరు గల్ఫ్ దేశాలు ఈ చిత్రాన్ని బ్యాన్ చేశాయి. ఈ దేశాలు గతంలో కూడా రాజకీయ, మత, సాంఘికంగా సున్నితమైన అంశాలు ఉన్న సినిమాలపై ఇలాంటి చర్యలు తీసుకున్నాయి.
ఈసారి ధురంధర్ పై నిషేధం విధించిన దేశాలు: బహ్రెయిన్, కువైట్, ఒమన్, ఖతార్, సౌదీ అరేబియా, యూఏఈ. ఈ దేశాల్లోని సెన్సార్ బోర్డులు సినిమాలోని కొన్ని భాగాలు ప్రాంతీయ శాంతి, అంతర్జాతీయ సంబంధాలకు విఘాతం కలిగించేలా ఉన్నాయని పేర్కొన్నాయి. ముఖ్యంగా పాకిస్తాన్కు చెందిన ఉగ్రవాద కార్యకలాపాలపై చూపిన సన్నివేశాలు, కఠినమైన డైలాగులు కారణంగా ఈ దేశాలు సినిమా విడుదలకు అనుమతి నిరాకరించాయి.
భారతదేశంలో మాత్రం సినిమా పై భారీ ఆసక్తి నెలకొంది. రణ్వీర్ సింగ్ పోషించిన శక్తివంతమైన పాత్ర, యాక్షన్ సన్నివేశాలు, కథలోని రియల్ జియో-పాలిటికల్ నేపథ్యం ప్రేక్షకుల దృష్టిని ఆకర్షిస్తున్నాయి. సినిమా విడుదలకు ముందు నుంచే గ్లోబల్ డిబేట్ మొదలవడం వల్ల ధురంధర్కు అదనపు ప్రచారం కూడా లభించింది.
గల్ఫ్లో నిషేధం కారణంగా కొంత బాక్సాఫీస్ నష్టం సంభవించే అవకాశం ఉన్నా, భారతదేశంలో మరియు ఇతర అంతర్జాతీయ ప్రాంతాల్లో సినిమా పెద్దగా విజయాన్ని నమోదు చేసే అవకాశం ఉందని ట్రేడ్ విశ్లేషకులు అంటున్నారు.
Also Read:AP:అల్లూరి జిల్లాలో ఘోర రోడ్డు ప్రమాదం