రాంచరణ్‌ సమంత జంటగా సుకుమార్ దర్శకత్వంలో మనముందుకొచ్చిన చిత్రం రంగస్థలం. ఈ సినిమా బాక్సాఫిసు వద్ద కాసుల వర్షం కురిపిస్తూ సక్కెస్ ట్రాక్ పై దూసుకెళుతుంది. తాజాగా పవన్ కల్యాణ్‌, రాంచరణ్‌ కుటుంబ సమేతంగా ఐ మ్యాక్స్ థియేటర్ లో ఈ సినిమాను చూశారు.
పవన్ మాట్లాడుతూ.. తొలిప్రేమ సినిమా తర్వాత థియేటర్ లో సినిమాలు చూడలేదని, ప్రేక్షకుల మధ్య చూడటానికి వచ్చానని పవన్ తెలిపారు. రంగస్థలం అద్భతుమైన చిత్రమని, సమంత, రాంచరణ్‌ నటన చాలా బాగుందని, ఇది నా మనసుకు నచ్చిన సినిమా అని అన్నారు. సినిమాకు సంబంధించిన మరిన్ని విషయాలను సక్సెస్ మీట్ లో మాట్లాడుతానని పవన్ తెలిపారు. అంటే పవన్ రంగస్థలం సక్సెస్ మీట్ కు వస్తున్నారన్న విషయం స్ఫష్టంగా అర్థమవుతోంది. అయితే సక్సెస్ మీట్ కు చిరంజీవి కూడా హాజరవతున్నట్లు సమాచారం. ఇక చెర్రీ, పవన్ , చిరంజీవి ఒకే వేదికపైకి వస్తే మెగా అభిమానులకు పండగే.
