మెగా హీరో రామ్‌చరణ్ హీరోగా సుకుమార్ దర్శకత్వంలో తెరకెక్కిన ‘రంగస్థలం’ నిన్న ప్రపంచ వ్యాప్తంగా ప్రేక్షకుల ముందుకువచ్చిన సంగతి తెలిసిందే. ప్రీమియర్ షో నుంచే పాజిటివ్ టాక్ సొంతం చేసుకున్న ఈ చిత్రం వసూళ్లలోనూ సత్తా చాటుతోంది. రామ్‌చరణ్ తొలిసారి భిన్నపాత్రలో నటించడం, పల్లెటూరి బ్యాక్‌డ్రాప్‌తో దర్శకుడు సినిమాను తెరకెక్కించిన తీరు ప్రేక్షకుడిని కట్టిపడేసింది.
ఇంటా బయట ఈ సినిమాకు బ్రహ్మాండమైన వసూళ్లను రాబడుతోంది. ఇక యూఎస్‌లో రంగస్థలం దిమ్మతిరిగే వసూళ్లతో ఇప్పటివరకు ఉన్న రికార్డులను బ్రేక్ చేసింది. ప్రీమియర్స్ లోనే ఈ సినిమా 7 లక్షల డాలర్ల వసూళ్లను సాధించిందని ట్రేడ్ ఎనలిస్టులు చెబుతున్నారు. ఓవరాల్‌గా తొలి రోజు ముగిసే సరికే ఈ సినిమా 11 లక్షల డాలర్ల వసూళ్లను సాధించిందని, చరణ్ కెరీర్ లో ఈ స్థాయి ఫీట్ ఇదే తొలిసారని ట్రేడ్ పండితులు అంటున్నారు.
తెలుగు రాష్ట్రాల్లో, రెస్టాఫ్ ఇండియాలో కూడా రంగస్థలం జోరు కొనసాగింది. ఓవరాల్‌గా పదిహేను కోట్ల రూపాయల వసూళ్లను సంపాదించి యూఎస్‌లో వన్ మిలియన్ మార్క్ వసూళ్లను దిటిన సినిమాల్లో ఒకటిగా నిలుస్తోంది.
