యంగ్ అండ్ ప్రామిసింగ్ హీరో నాగ శౌర్య విభ్నమైన జానర్స్ తో అలరిస్తున్నారు. నాగశౌర్య కథానాయకుడిగా, నూతన దర్శకుడు పవన్ బాసంశెట్టితో దర్శకత్వం వహిస్తున్న ప్రాజెక్ట్ కు ‘రంగబలి’ అనే ఆసక్తికరమైన టైటిల్ ని ఫిక్స్ చేశారు. ఈరోజు ఉగాది సందర్భంగా టైటిల్ ను అనౌన్స్ చేశారు మేకర్స్. ‘రంగబలి’ అనే టైటిల్ చాలా ఇంట్రస్టింగా ఉంది. విలేజ్ బ్యాక్‌డ్రాప్‌లో సాగే కథతో ఫన్ రైడ్‌ గా ఈ సినిమా వుండబోతోందని అనౌన్స్ మెంట్ వీడియోని చూస్తే అర్ధమౌతోంది.
ఈ సినిమాలో నాగ శౌర్య విభిన్నమైన పాత్రలో నటిస్తున్నాడు. ఈ పాత్ర కోసం మేకోవర్ అయ్యారు. విలక్షణమైన కాన్సెప్ట్‌ లతో వైవిధ్యమైన చిత్రాలను తెరకెక్కించడంలో మంచి అభిరుచి ఉన్న ఎస్‌ ఎల్‌ వి సినిమాస్‌ సుధాకర్ చెరుకూరి అత్యంత గ్రాండ్‌ గా ఈ చిత్రాన్ని నిర్మిస్తున్నారు. సినిమా కోసం పని చేస్తున్న మొత్తం టీమ్ సొంత ఊర్లు పేర్లు టైటిల్ అనౌన్స్ మెంట్ వీడియోలో ప్రస్తావించడం ఆసక్తికరంగా వుంది.
ఈ చిత్రంలో ప్రముఖ సాంకేతిక నిపుణులు పని చేస్తున్నారు. దివాకర్ మణి సినిమాటోగ్రఫీ అందిస్తుండగా, పవన్ సిహెచ్ సంగీత దర్శకుడు. ఎడిటర్‌ గా కార్తీక శ్రీనివాస్‌, ఆర్ట్‌ డైరెక్టర్‌ ఎఎస్‌ ప్రకాష్‌ పని చేస్తున్నారు. .
ఈ చిత్రం షూటింగ్ చివరి దశలో ఉంది . ప్రమోషన్లను ప్రారంభించడానికి మేకర్స్ ఉగాది పర్వదినాన్ని ఎంచుకున్నారు.
ఇవి కూడా చదవండి…
రేపట్నుంచి సైంధవ్ షూటింగ్ షురూ.!
#NBK108..బాలయ్య ఫస్ట్‌ లుక్‌
బాలయ్య మనసుకు అలేఖ్య కృతజ్ఞతలు
