బాహుబలి సినిమాతో ప్రపంచ వ్యాప్తంగా మంచి క్రేజ్‌ను సొంతం చేసుకున్న నటుడు దగ్గుబాటి రానా. అయితే రానా ప్రస్తుతం లెజెండ్రీ నటుడు నందమూరి తారకరామారావు జీవిత నేపథ్యంలో తెరకెక్కుతున్న ఎన్టీఆర్ చిత్రంలో ఎపీ సీఎం చంద్రబాబు నాయుడు పాత్ర పోషిస్తున్నాడు. ఆయన భార్య భువనేశ్వరి పాత్రలో మలయాళనటి మంజిమా మోహన్ నటిస్తున్నట్టు తెలుస్తుంది. అయితే చంద్రబాబు పాత్ర కోసం తన మేకోవర్ పూర్తిగా మార్చుకున్నాడు రానా.
రేపు వినాయక చవితి కావడంతో ఆ సందర్భాన్ని పురస్కరించుకుని ఈ సినిమా నుంచి రానా ఫస్టులుక్ ను అధికారికంగా రిలీజ్ చేశారు. అప్పట్లో చంద్రబాబు నాయుడి పోలికలకు దగ్గరగా రానా లుక్ ను తీసుకురాగలిగారు. ఒక రకంగా రానా కెరియర్‌లో ఇది ప్రత్యేకమైన పాత్ర అనే చెప్పుకోవాలి. ఇక ఈ సినిమాలో ఎస్వీఆర్ పాత్రలో నాగబాబు .. శ్రీదేవి పాత్రలో రకుల్ కనిపించనున్నారు. సంక్రాంతికి ఈ సినిమాను ప్రేక్షకుల ముందుకు రానుంది.
..){kind=link}