ఎనర్జిటిక్ స్టార్ రామ్ పోతినేని హీరోగా నటిస్తున్న తాజా చిత్రం ‘ది వారియర్’. ఇందులో రామ్ పోతినేని సరసన కృతి శెట్టి హీరోయిన్‌గా నటిస్తోంది. ఆది పినిశెట్టి విలన్ పాత్రలో కనిపిస్తున్నాడు. ఇప్పటికే ఈ మూవీ షూటింగ్ చివరి దశకు చేరుకుంది. ఈ నేపథ్యంలో తాజాగా ఈ మూవీ రిలీజ్ డేట్‌ను విడుదల చేసింది చిత్ర బృందం. జూన్ 14వ తేదీన వరల్డ్ వైడ్‌గా ఈ సినిమాను భారీ స్థాయిలో తెలుగు, తమిళ భాషలలో ప్రేక్షకుల ముందుకు తీసుకురాబోతున్నారు.
ఈ మేరకు రిలీజ్ డేట్‌కు సంబంధించిన పోస్టర్‌ను విడుదల చేశారు. కాగా, కెరీర్‌లో మొదటిసారి రామ్ పోలీస్ ఆఫీసర్ పాత్రలో కనిపించనున్నాడు. అక్షర గౌడ, నదియా తదితరులు కీలక పాత్రలు పోషిస్తుండగా, రాక్ స్టార్ దేవి శ్రీ ప్రసాద్ ఈ సినిమాకు సంగీతం అందిస్తున్నారు. శ్రీనివాస సిల్వర్ స్క్రీన్ పతాకంపై శ్రీనివాస చిట్టూరి నిర్మిస్తున్నా ఈ చిత్రాన్ని కోలీవుడ్ డైరెక్టర్ ఎన్.లింగుసామి తెరకెక్కిస్తున్నాడు.
