అమ్మడు లెట్స్ డూ కోటిశ్వరుడు

రీ ఎంట్రీతో  మెగాస్టార్ చిరంజీవి ఫుల్ ఫాంలో కి వచ్చేశారు. ఖైదీ నెంబర్ 150తో రూ.100 కోట్ల వసూళ్లు రాబట్టిన చిరు… సురేందర్ రెడ్డి దర్శకత్వంలో 151వ చిత్రానికి రెడీ అవుతున్నాడు. ఓ వైపు సినిమాల్లో బిజీగా ఉంటునే మరోవైపు బుల్లితెరపై కూడా అలరిస్తున్నాడు మెగాస్టార్. తెలుగు టెలివిజన్ రంగంలో సంచలనం సృష్టించిన మీలో ఎవరు కోటీశ్వరుడు నాలుగో సీజన్ కు చిరంజీవి వ్యాఖ్యతగా వ్యవహరిస్తూ దుమ్ము రేపుతున్నారు. తాజాగా ఈ షో కు వచ్చిన గెస్ట్ లు హాట్ టాపిక్ గా మారారు.

ఇప్పటివరకు నాగ్, రాధిక,సుహాసిని,సాయిధరమ్ తేజ,రానా,తాప్సీ హాజరై షోకి మరింత క్రేజ్ తీసుకువచ్చారు. తాజాగా బావగారు బాగున్నారాలో చిరుతో నటించిన రంభ షోలో ప్రత్యేక ఆకర్షణగా నిలిచింది. పెళ్లి చేసుకుని సెటిల్ అయిన ఈ బ్యూటీ.. ఈ మధ్య కాలంలో విడాకులకు సంబంధించిన వివాదాల్లోనే ఎక్కువగా వార్తల్లో నానుతోంది.

ఇక చిరు షోలో రాంచరణ్‌తో కలిసి ఎంఈకేలో పాల్గొన్న రంభ సెక్సీ లుక్‌లో అదరగొట్టింది. ఇక ఈ ఎపిసోడ్‌కి సంబంధించిన స్టిల్ ఒకటి సోషల్ మీడియాలో చక్కర్లు కొడుతోంది. మాస్ రగ్గడ్ లుక్ లో రామ్ చరణ్.. 40 ఏళ్ల వయసులోనూ మిలమిల్లాడుతున్న రంభ.. హోస్ట్ అవతారంలో స్టైల్ గా చిరంజీవి.. కాంబినేషన్ అద్దిరిపోయిందంతే.

ఈ స్టిల్ లో రంభను చూస్తుంటే గతంలో కంటే ఇప్పుడే అందంగా ఉన్నట్లు కనిపిస్తోంది. రంభ మళ్లీ రీ ఎంట్రీ ఇస్తుందా అన్న సందేహాలు రాకమానవు.  ఇక చెర్రీ లుక్స్ అయితే అదరహో అనాల్సిందే. ఇప్పటివరకూ ఒకట్రెండు ఫోటోల్లో చూసినా.. సుకుమార్ మూవీలో చెర్రీ లేటెస్ట్ లుక్ పూర్తిగా తెలిసింది మాత్రం ఇప్పుడే. ధృవ లాంటి క్లాస్ మూవీ తర్వాత.. మెగా పవర్ స్టార్ ఇప్పుడు మాస్ అవతారంలో ఇరగదీయడం ఖాయంగా కనిపిస్తోంది. మొత్తంగా అలనాటి తారలతో చిరు ఎంఈకేకు మరింత ఆకర్షణ తీసుకొచ్చే ప్రయత్నం చేస్తున్నాడనే చెప్పాలి.