ఎనర్జిటిక్ హీరో రామ్, అనుపమ పరమేశ్వరన్, లావణ్య త్రిపాఠి హీరోహీరోయిన్లుగా ‘నేను శైలజ’ దర్శకుడు కిషోర్ తిరుమల దర్శకత్వంలో తెరకెక్కిన చిత్రం ‘ఉన్నది ఒకటే జిందగీ’. అక్టోబర్‌ 27న ప్రపంచ వ్యాప్తంగా విడుదల కానున్న ఈ చిత్రం సెన్సార్ కార్యక్రమాలు పూర్తిచేసుకుంది. సెన్సార్ సభ్యుల నుండి మంచి ప్రశంసలు అందుకున్న ఈ చిత్రం క్లీన్ యు సర్టిఫికెట్ పొందింది.
సెన్సార్ సభ్యులు ఈ చిత్రానికి క్లీన్ యు ఇవ్వడంతో ఆనందాన్ని వ్యక్తం చేస్తూ.. ఫ్యామిలీ మొత్తం ఓ మంచి చిత్రం చూశామనే ఫీలింగ్‌ని ఈ చిత్రం ఇస్తుందని, సెన్సార్ సభ్యులు కూడా ఇదే అన్నారని చిత్రయూనిట్ తెలిపింది.
ప్రేమ, స్నేహం.. రెండింటి మధ్య చోటుచోసుకునే పరిణామాల సమాహారమే ఈ ఉన్నది ఒకటే జిందగీ సినిమా కథాంశం. రామ్ హోమ్ ప్రొడక్షన్స్ అయిన స్రవంతి రవికిషోర్ బ్యానర్ నిర్మించిన ఈ సినిమాకు దేవీశ్రీ ప్రసాద్ మ్యూజిక్ కంపోజ్ చేశాడు. శ్రీ విష్ణు, పెళ్లిచూపులు ఫేమ్ ప్రియదర్శి ఇతర ప్రధాన పాత్రలు పోషిస్తున్నారు. ట్రేలర్ రిలీజ్ అయిన 24 గంటల్లోనే ఏకంగా 4 మిలియన్ వ్యూస్ సాధించి ప్రేక్షకుల మన్ననలు పొందింది.
