- Advertisement -
సైరా నరసింహారెడి’రెడ్డి సక్సెస్‌ జోష్‌లో దసరా పండుగ రోజు మెగాస్టార్‌ చిరంజీవి తన తదుపరి చిత్రం ప్రారంభించిన సంగతి తెలిసిందే. కొరటాల శివ దర్శకత్వం వహిస్తున్న ఈ సినిమాను రామ్‌చరణ్, నిరంజన్‌ రెడ్డి నిర్మిస్తున్నారు. నవంబరులో ఈ సినిమా రెగ్యులర్‌ షూటింగ్‌ ప్రారంభం కానుంది.
అయితే ఈ మూవీలో చిరంజీవి పాత్ర విభిన్న కోణాల్లో ఉంటుందని, ఫ్లాష్ బ్యాక్‌లో వచ్చే యంగ్ చిరంజీవి పాత్రలో మెగా పవర్ స్టార్ కనిపిస్తాడని టాలీవుడ్ వర్గాల్లో ప్రచారం జరుగుతోంది. ఒకవేల ఈ వార్త నిజమైతే అది మెగా ఫ్యాన్స్ కు పండగే మరి.
కాగా, గతంలో రామ్ చరణ్ హీరోగా వచ్చిన ‘మగధీర’, ‘బ్రూస్ లీ’ చిత్రాల్లో చిరంజీవి గెస్ట్ రోల్స్ చేయగా, ‘ఖైదీ నంబర్ 150’లో రామ్ చరణ్ ఓ పాటలో స్టెప్పేశాడు. ఈ తాజా చిత్రంలో చిరంజీవి పాత్రలో రామ్ చరణ్ కనిపిస్తాడా? అన్న విషయమై అధికారిక ప్రకటన వెలువడాల్సి వుంది.
- Advertisement -
