‘ధృవ’తో మంచి విజయాన్ని అందుకున్న మెగాపవర్ స్టార్ రామ్ చరణ్.. సుకుమార్ దర్శకత్వంలో హీరోగా నటిస్తున్నాడు. ఇటీవల తనకు సాయం కావాలంటూ అభిమానులను కోరుతూ ఓ వీడియో పోస్టు చేశాడు చెర్రీ. ఈ సినిమాకు నాలుగైదు మంచి టైటిల్స్‌ను సుకుమార్ చెప్పినట్లు తెలిపారు. అయితే, వీటిలో ఏ టైటిల్‌ను ఫైనలైజ్‌ చేశారనే విషయాన్ని మాత్రం ఆయన చెప్పడం లేదన్నారు. తాజాగా ఈ చిత్రానికి ‘రంగస్థలం 1985’ అని పేరు పెట్టారు. ఈ విషయాన్ని నిర్మాతలు అధికారికంగా ప్రకటిస్తూ, ఇటీవల విడుదలైన ఫస్ట్ లుక్ కు పేరును జత చేసి తయారు చేసిన పోస్టరును పోస్ట్ చేశారు.
Mega Powerstar Ram Charan & Sukumar's #Rangasthalam1985 will be released for Sankaranthi 2018. pic.twitter.com/cQuxc2fdS5
— Vamsi Kaka (@vamsikaka) June 9, 2017
మొన్నటి వరకూ మండుటెండల్లో గోదావరి జిల్లాలో షూటింగ్‌లో పాల్గొన్న చెర్రీ… ఎండల నేపథ్యంలో బ్రేక్ తీసుకున్నాడు. ఎండలు తగ్గడంలో ఈ సినిమా షూటింగ్‌ త్వరలోనే మళ్లీ ప్రారంభం కానుంది. ఈ సినిమాలో సమంత హీరోయిన్‌ కాగా జగపతిబాబు కీలక పాత్రలో నటిస్తున్నాడు. ఇప్ప‌టి వ‌ర‌కు రామ్చరణ్ చేయ‌న‌టువంటి డిఫ‌రెంట్ పాత్ర‌ను ఈ సినిమాలో చేస్తున్నారు. విభిన్న‌మైన క‌థాంశాల‌తో సినిమాల‌ను రూపొందించే ద‌ర్శ‌కుడు సుకుమార్ ఈ చిత్రాన్ని కూడా అన్ని క‌మ‌ర్షియ‌ల్ ఎలిమెంట్స్ ఉండేలా, అంద‌రినీ ఎంట‌ర్‌టైన్ చేసేలా అద్భుతంగా తెర‌కెక్కిస్తున్నారు. పాపికొండలు, రాజమండ్రి, కొల్లేరు పరిసర పల్లెటూళ్లలో సుమారు నెలరోజుల పాటు షూటింగ్‌ జరిపారు. కాగా, ఈ చిత్రాన్ని వచ్చే సంవత్సరం సంక్రాంతి కానుకగా విడుదల చేయాలని నిర్మాతలు నిర్ణయించినట్టు ఇప్పటికే వార్తలు వచ్చిన సంగతి తెలిసిందే.
