ప్రస్తుతం కొన్ని కాంబినేషన్స్ పై క్రేజీ అప్ డేట్స్ వినిపిస్తున్నాయి. అందులో భాగంగా.. గుంటూరు కారం త‌ర్వాత త్రివిక్ర‌మ్, ఐకాన్ స్టార్ అల్లు అర్జున్ తో సినిమా చేయ‌నున్న విష‌యం తెలిసిందే. ఇప్ప‌టికే, అఫీషియ‌ల్‌గా అనౌన్స్ అయిన ఈ సినిమాను ఈ ద‌స‌రాకు మొద‌లుపెట్టాల‌ని మేక‌ర్స్ ఆలోచిస్తున్నార‌ట. అయితే ఈ సినిమాలో బ‌న్నీ క్యారెక్ట‌ర్‌లో చాలా వేరియేష‌న్స్ ఉంటాయ‌ని, సినిమా మొత్తానికి బ‌న్నీ క్యారెక్ట‌రే మెయిన్ హైలైట్‌గా నిల‌వ‌నుందని తెలుస్తోంది. అలాగే, మరో క్రేజీ కాంబినేషన్ విషయానికి వస్తే.. రామ్ చరణ్ హీరోగా శంక‌ర్ ద‌ర్శ‌క‌త్వంలో గేమ్ ఛేంజ‌ర్ సినిమా చేస్తున్న సంగ‌తి తెలిసిందే.
ఈ సినిమా త‌ర్వాత చరణ్ త‌న 16వ సినిమాను బుచ్చిబాబుతో చేయ‌నున్నాడు. అయితే ఇప్పుడు చరణ్ 17వ సినిమాను సుకుమార్ తో చేయ‌నున్నాడ‌ని నెట్టింట వార్త‌లొస్తున్నాయి. ఈ కాంబోలో సినిమా ఉంటుంద‌ని ఎప్ప‌టి నుంచో బ‌జ్ ఉండ‌గా, ఇప్పుడు మ‌రోసారి ఈ వార్తలు హ‌ల్ చ‌ల్ చేస్తున్నాయి. ఇంతకీ సుకుమార్‌తో రామ్ చరణ్ 17వ మూవీ ఏ రేంజ్ లో ఉంటుందో చూడాలి. అన్నట్టు మైత్రీ మూవీ మేక‌ర్స్, సుకుమార్ రైటింగ్స్, వ్రిద్ధి సినిమాస్ సంయుక్తంగా నిర్మిస్తున్న ఈ సినిమా బ‌డ్జెట్ గురించి బ‌జ్ వినిపిస్తోంది.
సుమారు ఈ సినిమాను రూ.400 కోట్ల భారీ బ‌డ్జెట్‌తో నిర్మించాల‌ని మేక‌ర్స్ నిర్ణ‌యించుకున్నార‌ట. ఈ సినిమాకు రెహ‌మాన్ సంగీతం అందించ‌నున్నాడు. అలాగే, మరో క్రేజీ కాంబినేషన్ కి వస్తే.. ప్రస్తుతం వెంక‌ట్ ప్ర‌భుతో గ్రేటెస్ట్ ఆఫ్ ఆల్ టైమ్ సినిమా చేస్తున్న విజ‌య్, త‌న 69వ సినిమాను కార్తీక్ సుబ్బ‌రాజ్ ద‌ర్శ‌క‌త్వంలో చేయ‌నున్నాడ‌ని వార్త‌లొచ్చాయి. ఆ త‌ర్వాత 70వ సినిమాను త‌మిళ స్టార్ డైరెక్ట‌ర్ శంక‌ర్‌తో చేయ‌నున్న‌ట్లు కోలీవుడ్ మీడియా వ‌ర్గాలంటున్నాయి. అయితే ఇప్ప‌టికే విజ‌య్, శంక‌ర్ ద‌ర్శ‌క‌త్వంలో ఓ సినిమా చేయ‌గా, వారి కాంబోలో ఇది రెండో సినిమా కానుంది.
Also Read:ఏపీ మాజీ సీఎం చంద్రబాబుకు రిలీఫ్
