‘అఖండ’తో టాలీవుడ్‌లో రికార్డు క్రియేట్‌ చేసిన మాస్ డైరెక్టర్‌ బోయపాటి శ్రీను ఇప్పుడు మరో ప్రాజెక్టును పట్టాలెక్కిస్తున్నాడు. శ్రీనివాస సిల్వర్ స్క్రీన్ బ్యానర్‌పై రామ్ పోతినేని హీరోగా బోయపాటి ఒక సినిమా చేయనున్నట్టు కొన్ని రోజులుగా వార్తలు వస్తున్న విషయం తెలిసిందే. తాజాగా ఈ మూవీకి సంబంధించి అధికారికంగా ప్రకటించారు. దర్శకుడిగా బోయపాటికి ఇది 10వ సినిమా అయితే, హీరోగా రామ్ కి ఇది 20వ సినిమా.
ప్రస్తుతం రామ్ లింగుసామి దర్శకత్వంలో ‘ది వారియర్’ సినిమా చేస్తున్నాడు. ఈ సినిమాలో ఆయన జోడీగా కృతి శెట్టి కనిపించనుంది. ఇప్పటికే ఈ సినిమా ముగింపు దశకి చేరుకుంది. త్వరలోనే బోయపాటి సినిమా రెగ్యులర్ షూటింగు మొదలు కానుంది. తెలుగుతో పాటు తమిళ .. మలయాళ .. కన్నడ .. హిందీ భాషల్లో ఈ సినిమాను విడుదల చేయనున్నారు. ఈ చిత్రంలో నటించే నటీనటుల, సాంకేతిక నిపుణుల వివరాలు త్వరలో తెలియజేయనున్నారు.
